اقش وكىلدەر پالاتاسىنىڭ سپيكەرى نەنسي پەلوسي تايۋاندا

اقش  وكىلدەر پالاتاسىنىڭ سپيكەرى نەنسي پەلوسي تايۋانعا (تايۆان) كەلدى. بۇل تۋرالى nytimes.com حابارلادى.

تايۋاننىڭ ورتالىق اقپارات اگەنتتىگىنىڭ حابارلاماسىنا قاراعاندا سپيكەر ەرتەڭ تاڭەرتەڭ تايۋان پرەزيدەنتى ساي يڭۆىنمەن كەزدەسىپ تۇسكى استان كەيىن ۇشىپ كەتەدى.

قىتاي بيلىگى قانشالىق قاتاڭ قارسىلىعىن بىلدىرگەنىمەن نەنسي پەلوسيدىڭ مىنگەن ۇشاعى ماليزيادان شىعىپ تايۋانعا كەلىپ قوندى. پەلوسيدى ەلدىڭ سىرتقى ىستەر ءمينيسترى جوزەف ۆۋ قارسى الدى.

پەلوسيدىڭ كەلۋ قارساڭىندا قىتاي تاراپ تايۋاننىڭ جويعىش ۇشاقتارى تايۋان بۇعازىنان ۇشىپ ءوتتى دەگەنىمەن تايۋان قورعانىس مينيسترلىگى بۇنى جالعان اقپارات دەدى.

بۇعان دەيىن شىعىس ازيانىڭ بىرنەشە ەلىنە بارعان اقش وكىلدەر پالاتاسىنىڭ سپيكەرىنىڭ تايۋانعا بارۋ بارماۋى تۋرالى ساراپشىلار ءار-ءتۇرلى پىكىر ايتقان. ءتىپتى بۇل ساپار ورىندالسا ءۇشىنشى دۇنيە جۇزىلىك سوعىس باستالادى دەپ سانايتىندار دا بار.

بۇل ساپاردى رەسمي بەيجىڭ مەن بىرگە گونكونگ باسشىسىدا جون لي دە قاتاڭ ايىپتادى. ال رەسەي بۇل ساپاردى "اشىق ارانداتۋ" دەپ اتادى. بۇل اقش-قىتاي ارا-قاتىناسىن ودان ارى ۋشىقتىرا ءتۇسۋى مۇمكىن.

بۇل ساپار اقش-تىڭ بيلىك وكىلدەرىنىڭ 1997 جىلدان كەيىنگى اراعا 25 جىل سالىپ جاساعان العاشقى ساپارى.

“The Qazaq Times”