Foto: Nensi Pelosidiñ tvitterdegi paraqşasınan.

AQŞ  Ökilder palatasınıñ spikeri Nensi Pelosi Şığıs  Aziyanıñ birneşe eline barudı josparlağan. Bügin Pelosi Singapur astanasında el prezidenti  Halima YAkobtıñ qabıldauında bolıp odan soñ Prem'er-Ministrimen jäne sırtqı ister ministirimen kezdesti. Alda Malayziya, Oñtüstik Koreya jäne Japoniyağa saparlaytını aytılğan. Sonımen birge Sarapşılardıñ pikirinşe AQŞ lauazımdısı Qıtaydıñ geo sayasatındağı eñ bir jandı jerine aynalğan Tayvan'ğa da baruı mümkin.

Alayda, ol turalı  resmi aqparat joq. Tayvan'ğa soñğı ret 1997 jılı  respublikaşıl N'yut Gingriç kelgen  soñ keyingi 25 jılda AQŞ-tıñ birde-bir joğarı lauazımdı şeneunigi barmağan.

Qıtay biligi Tayvannıñ derbestiginen üzildi-kesilde bas tartadı. Sırtpen qarım-qanastıñ barlığında osı mäselege basa män beredi. Tayvan'dı öziniñ bir provinciyası retinde qarastıradı jäne onı basqa eldiñde moyındauın talap etedi. Al bwğazdağı el özderiniñ derbestigin ünemi aytıp keledi. Bwnı AQŞ bastağan bir qatar demokratialı elderde qoldaydı. Osı sebepti de Qıtay biligi Tayvan Qıtay biligin moyındamasa bolaşaqta küş qoldanatının aytıp küş körsetuge dayın ekendigin jasırmaydı.

Pelosi hanım tvitterde altı adamnan twratın  delegaciyasınıñ  saparı "Amerikanıñ aymaqtağı odaqtastarımız ben dostarımızğa degen mızğımas adaldığın körsetedi " dep jazdı. Onıñ keñsesi jeksenbi küngi mälimdemesinde bwl sapar «Ündi-Tınıq mwhitı aymağındağı özara qauipsizdik, ekonomikalıq seriktestik jäne demokratiyalıq basqaruğa bağıttalğan» deydi.  AQŞ-tıñ Tayvan'men emes, Qıtaymen resmi diplomatiyalıq baylanısı bolğandıqtan, Nensi hanımnıñ delegaciyası Tayvanğa barsa, AQŞ pen Qıtay qarım-qatınasına sızat tüsui mümkin. Pelosi hanım wzaq uaqıt boyı Qıtay biligin  sınap keledi, Qıtayda  adam qwqıqtarınıñ jii bwzılatındığımen ayıptaydı. Ol bwrın  demokratiyanı jaqtaytın dissidenttermen kezdesip, 1989 jılğı qırğın qwrbandarın eske alu üşin Tyan-anmın alañında bolğan. Osıdan biraz bwrın ol «Tayvan'ğa qoldau körsetu biz üşin mañızdı» degen bolatın. Nensi Pelosi hanımmen birlikte  Ökilder palatasınıñ jetekşi müşeleri: Grigoriy Miks, Mark Takano, Syuzan DelBene, Radja Krişnamoorti jäne Endi Kim boladı. Olardıñ kelissözderi sauda, klimattıq dağdarıs jäne adam qwqıqtarı mäselelerin  qamtidı dep kütilude.

Alda älemniñ alpauıt eki eliniñ arasında soğıs otın twtandırıp jiberui mümkin sanalatın  spiker Nensi Pelosidıñ Tayvanğa saparınıñ bolu bolmauın älemdik aqparat tört közimen kütip otır.

The Qazaq Times