Biılğı oqu jılı ayaqtalıp keledi, alda 3 aylıq demalıs. Bireuler üşin şeksiz erkindik. Oyın, qıdıru, wyqını qandıru. Al, keybir balalar üşin bilim men qızığuşılıqtarına jol aşatın mümkindik. İzdengiş balalar men şığarmaşılıq qiyalğa bay balalar üşin qoğam qanday jağday jasay aladı? Ata-analardıñ jağdayı jar berse aqılı lagerlerge jiberedi. Onday jağdayğa qol jetkize almaytın jetkinşekter öz betinşe izdenedi. Biz kitapqwmar balalar turalı aytpaqpız. Negizinde, bügingi künde statistika boyınşa kitap oqığısı keletin balalar öte az.


2021j balalardıñ kitap oquın qoldau jılı bolğanına qaramastan, kitap oqitın balalardıñ sanı äli de tömen. Elektronikağa äuestik, türli komp'yuterlik oyındar, ärtürli äleumettik jelidegi kündiz-tüni üzilissiz körsetiletin videolar men jeke kanaldar qoyırtpaq küyinde, talğausız wsınılıp balalardıñ sanasına äser etude, uaqıttarın wrlauda. Sondıqtan, kitapqa qızığatın balalardı däriptey otırıp, basqa balalardı da tartu öte mañızdı. Osı oymen Almatı oblısı Talğar audanı Qızıl-Qayrat auılı N19 köp salalı mektep gimnaziyasınıñ kitaphanaşısı Esmwhanova Gülsim apaymen söylesken bolatınbız. Atalğan mektep mekteptiñ kitaphanasında eki qızmetker bar, janındağı äriptesi Jarmağambetova Ayman ekeui osı bağıtta biraz jwmıstar istegen. Ol jwmıstar üşin mektep wjımı da kömektesken. Memleket basşısı Qasım-Jomart Toqaevtıñ wlttıq qoğamdıq senim keñesinde BĞM bergen tapsırmasına säykes “Oquğa qwştar mektep” jobası ayasında jwmıstar atqarıp is-şaralar jürgizgenin tilge tiek etti.
Gülsim hanımnıñ aytuı boyınşa osı oqu jılında aqın Q. Amanjolovtıñ 110 jıldığı, jazuşı S. Mwratbekovtıñ 85 jıldığı, äygili pedagog I.Altınsarinniñ 180 jıldığı atalıp, mektep köleminde keşter ötkizilgen. Sonday-aq, aqın T.Moldağaliev pen Q. Mırza-Äli şığarmaşılığımen tanıstırılımdar bolğan. “Bir kitap-bir sınıp” jobasımen 4-5 sınıptar arasında toptıq jwmıstar bolğanın ayttı. Sonday-aq, aldağı josparlarımen bölisti. Aldağı demalıs kezinde mektepte lagar wyımdastırıp, kitap oquğa ıntalı balalardı şabıttandıratın oyındar wyımdastırılatının, mausım men tamız ayında jalğastı jwmıs istey beretinderin habarladı. Balalarğa arnalğan köptegen kitaptarğa mektep direktorı E. O.Konşibaevpen aqıldasa otırıp tapsırıs bergenderin jäne sol kitaptardı balalardıñ oquı üşin üylerine aluına rwqsat etiletinin de söz etti.

Qızıl-Qayrat auıldıq mädeniet üyindegi kitaphanaşı Şaymahanova Roza Mäkenqızına da osığan baylanıstı birneşe swraq qoyğan edik.

Bıltır balalardıñ kitap oquın qoldau jılı boldı, biıl balalar jılı, osı eki jılda kitaphanağa balalarğa arnalğan jaña kitaptar tüsti me?

Ärine, jıl sayın kitap qorına balalar ğa arnalğan kitaptar tüsip twradı, bıltır men biılğı jılı balalar ädebietine erekşe köñil bölinude.

Balalarmen birge kitap oquğa ıntalandıratın is-şaralar ötkizdiñizder me?

Qızılqayrat "Model'di auıl kitaphanası 2011 jılı aqpan ayınan bastap aşılıp, kitaphana tek qana ülkendermen emes, mnktep oquşılarımen,mektepke deyingi büldirşinderge de köptegen is- şaralar jürgizip keledi
Tärbie bası - tal besikten" degendey,balanı jastayınan kitap oquğa dağdılandıru, bilimge jeteleu,qazaqi salt- dästürimizdi, ädet- ğwrpımızdı, ülkendi sıylau,qwrmetteu,ata- baba mwrasın wrpaqqa jetkizu,ärbir datalı aqın- jazuşılar, qoğam qayratkerleri,mädeni is- şaralar,"Ölketanu" barısında tuğan jerge tağzım,jergilikti twlğalarmen kezdesu keşteri,t.b is - şaraları jürgizilip twradı

Oqırmandarıñız köp pe jäne olardıñ işinde balalar bar ma?
Kitaphanağa jıl sayın 650- oqırman tirkelip, kitap alıp oqidı, jäne jıljımalı kitaphana aptasına bir ret jwmıs jasap,oqırmandar swranısın jetkizip otıradı
Kitaphanamızda "Otbasılıq oqu" jobası","Aqındıqqa bastar jol" klubı","Kovorking" ortalığı, "Asıl qazına" äjeler" tobımen,mümkindigi şekteuli balalar ortalığı "Aqjol M" jwmıs jasaydı
Ayta bersem on bir jılda keremet jwmıstar jürgizilipti,şükir, kitapqa qwmar,aqındıqqa qwmar jastar boldı, biraq, mektep bitirip, klubımız jıl sayın jaña jas aqındarmen tolıqtırılıp otırıladı, klub bir jılğa qwrıladı.

Qazirgi balalarğa kitap oqıtu qiın deytinder de bar. Alayda kitaphananıñ jasağan jaqsı jağdayı oqırmandardı köbeyteri sözsiz. Bwl üşin barlıq deñgedegi mekemeler barınşa at salıssa degen tilektemiz.

 

Nwrbätima Baytwrsın

Talğar audanı.