Qasım-Jomart Toqaev "täuelsizdiktiñ 30 jıldığınabaylanıstı raqımşılıq turalı" zañğa qol qoydı. Bwl turalı Ortalıq Aziya jañalıqtar qızmeti jazdı.

Atalğan zañ orta jäne jeñil qılmıstar üşin sottalğandardı merziminen bwrın bostandıqqa şığarudı közdeydi. Sonımen birge auır jäne asa auır qılmıspen sottalğandardıñ jaza merzimin azaytadı. Zañ eñ aldımen ardagerlerge, kämelettik jasqa tolmağandarğa, zeynet jasındağı äyelder men er azamattarğa jäne birinşi, ekinşi toptağı mügedekter men qoğamğa asa qauip tudırmaytın azamattarğa jeñildik jasaydı.

Osığan deyin işki ister ministri Erlan Twrğımbaevtıñ mälimeti boyınşa, raqımşılıqqa 14 mıñnan astam adam iligui mümkin. Türmeden mıñnan astam adam bosatılatın bolsa, 3,8 mıñ adam probaciya qızmetiniñ tirkeuinen şığarıladı. Sonımen birge toğız mıñğa juıq sottaluşınıñ jaza merzimi qısqartıladı.

Qazir Qazaqstannıñ 64 koloniyası men 16 tergeu abaqtısında 34 mıñnan astam adam otır. İİM mälimetine säykes, olardıñ 93 payızı auır jäne asa auır qılmıspen sottalğandar. Bwdan bölek 32 mıñ adam probaciya qızmetiniñ tirkeuinde twr.