Qazaqstandağı apellyaciyalıq äskeri sotı Arıstağı oq därilerdiñ jarıluına baylanıstı sottalğandardıñ ükimin jeñildetti. Bwl jöninde jergilikti BAQ habarladı dep jazdı Ortalıq Aziya jañalıqtar qızmeti.

Biıl 26 şildede Şımkent qalasındağı äskeri bölimde Türkistan oblısı Arıs qalasındağı äskeri qoymadağı jarılısqa qatıstı ayıptalğan 16 adamğa ükim oqılğan. Sot 16 adamnıñ 12-ine 4-10 jıl aralığında türme jazasın berdi, 4-i şarttı türde sottaldı. Şarttı jaza merzimi 4 pen 7 jıl aralığı.

Apellyaciyalıq sot şeşimimen Qanat Aqtanov, Erlan Omarov, Asat Bralin, As-Salladin Sarjanov, Bauırjan Niyazov, Marat Sarsenov jäne Köpjan Nwrmahambetov qılmıstıñ eskiru merzimine baylanıstı qılmıstıq jauapkerşilikten bosatılğan. Bastapqıda olarğa qızmetine salğırttıq tanıttı degen ayıp tağılğan.

Sonımen birge Quanış Ospanov, Ruslan Omarov, YUriy Karakal'çev, Meyrambek Jüsipov pen Adamat Ayapbergenov qamaudan bosatılğan.

2019 jıldıñ 24 mausımında Arıstağı äskeri oq-däri qoyması jarılıp, sonıñ saldarınan tört adam qazağa wşıradı. Olardıñ ekeui – äskeri, bireui – beybit twrğın, al bir bala evakuaciyalau kezinde jol apatınan mert boldı. Oqiğa saldarınan alpıs mıñnan astam adam üy-jayın tastap ketuge mäjbür boldı. Resmi mälimet boyınşa, qaladağı 7 527 üy men köpqabattı 103 twrğın üy zaqımdanğan. Paydalanuğa jaramsız bolıp qalğan 420 üy men 3 köpqabattı twrğın üy qwlatılğan.