Renaimaciya zalına kirip bara jatqan däriger. I.S.Jekenova atındağı qalalıq klinikalıq jwqpalı aurular auruhanasınıñ Türksib audanındağı filialı. Säuir 2021 jıl. Almatı qalası. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı bes ayda alğaş ret mıñnan kemip, jalpı esebi 1 mln 31 mıñğa jetti. Bwl salıstırmalı türde bıltırğıdan birşama joğarı. Qaraşa ayında 10 mıñnan asa adam auırıp, 190 adam qaytıs boldı.

Densaulıq saqtau ministrliginiñ resmi mälimetinşe, elde 8 qaraşa koronavirus (KVI+) jwqqan 909 adam, al 7-si koronavirus pnevmoniyasına (KVI-) şaldıqqan 16 adam tirkeldi. Bwdan keyster sanı 20 mausımdağı deñgeyge tömendegenin köruge boladı. Sonday-aq, jeksenbide 34 qazaqstandıq aurudan qaytıs boldı. Bıltır däl osı uaqıtta resmi statistikada täuligine köp degende 650-ge deyin nauqas jäne 5-6 ölim jağdayı tirkeletin, üyi men auruhanada jatqan sırqattar sanı 7 mıñ şamasında edi. Qazir bwl körsetkiş eselep ösip otır, büginde elde 39 mıñ adam (KVI+ boyınşa 34 mıñ, KVI- boyınşa 5 mıñ) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar sanı tağı köbeydi. Olardıñ negizgi böligi nemese 13%-ı ädettegidey SQO (135), 13%-ı Pavlodar (133) oblısına tiesili. Auruşañdıq  astana (109), Qarağandı (109), Qostanay (83), Almatı qalası (79), Aqmola (76), Atırau (9), ŞQO (50), Jambıl (15), BQO (10), Qızılorda (7), Aqtöbe (4), Mañğıstau (3) oblıstarında eleuli türde kemidi. Al Almatı oblısı (61), Şımkent (16), Türkistan (10) öñirlerinde  birşama artqan. Düysenbide aurudan ayıqqan 2 mıñğa tarta adam üyine şığarılğan. 7 qaraşada jiını 9 adam qaytıs bolğan.

#COVID_pnevmoniyası mehanikalıq ädispen esepke alınatındıqtan, demalıs künderi medstatistika jüyesi tolıq qamtılmaydı. Saldarınan keyster qatarı senbi jäne jeksenbi, mereke künderi ädettegiden aytarlıqtay az tirkeledi. Qaraşanıñ 7-si aqparatı bir täulikke keşigip beriletin koronavirus pnevmoniyasına şaldıqqan 16 nauqas esepke alındı. Vedomstvo dereginşe, bwl küni Şımkent (9), Mañğıstau (4), Almatı oblısı (4), Jambıl (1), Qostanayda (1) anıqtalğan. Sonımen qosa, 51 adam ayığıp şıqqan, tağı 2 adam köz jwmğan.

#Jalpı  DenMin deregine qarağanda, emdelip jatqan 39 mıñ nauqastıñ 7 mıñı auruhanada, 32 mıñı ambulatorlıq baqılauda. 520 nauqastıñ jağdayı naşar, ondağı 144 adamnıñ häli öte auır. Bwdan özge 110 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Şımkent, Atırau, Türkistan, Mañğıstau, BQO, ŞQO, Almatı oblısı, Jambıl, Aqtöbe, Qızılorda oblıstarınan basqa astana, Almatı qalası, Qarağandı jäne Aqmola oblısı «sarı aymaqqa» ötken. Basqa 3 aymaq (Qostanay, Pavlodar, SQO) twtastay «qızıl aymaqta» twr.

DenMinniñ QT redakciyasına bergen mälimetinşe, indet tarağan 2020-2021 jıldarı PTR testi oñ körsetken 1407 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq, ündistandıq jäne nigeriyalıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Jazğı üş ayda bas-ayağı 420 mıñ adam auırsa, 6,6 mıñnan asa adam köz jwmdı. Qırküyek ayınıñ özinde 99 mıñday nauqas esepke alınğan jäne 2117 adam qaytıs bolğan. Al qazan ayında 57 mıñ auru jäne 1078 ölim jağdayı tirkelgen. Qaraşa ayı bastalğalı 10 mıñnan asa sırqat tirkeldi, dert meñdegen 190 şaqtı adam ömirden ötken.

Bıltır 13 naurızdan beri COVID-19 infekciyasın jwqtırğandar qatarı 950 mıñnan, 1 tamızdan bergi koronavirus pnevmoniyası 80 mıñnan asqan. DDSW derekqorı men Wlttıq statistikada Qazaqstanda auırğandar sanı 1 mln 31 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi.

Pandemiyanıñ bas-ayağı 20 ayında jalpı virus jwqqandardan 20,7 mıñ adam (KVI+ / U07.1 – 12 291, KVI- / U07.2 – 5073, ilespe aurulardan – 3415) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 37-orınğa ornıqtı.

Ükimettiñ soñğı deregine qarağanda, Qazaqstanda 7,7 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 8,4 mln-nan asadı. Densaulıq saqtau ministri Aleksey Coy qaraşa ayınıñ üşinşi onkündiginen bastap vakcina alğanına jartı jıl ötkender üşin revakciyanaciya nauqanı jürgiziletinin mälimdegen.

The Qazaq Times