Qazaqstanda koronavirus pen pnevmoniyağa şaldıqqandar sanı tağı 1,5 mıñğa arttı

Qazaqstanda koronavirus pen oğan wqsas pnevmoniyağa şaldıqqandar sanı tağı 1,5 mıñğa artıp, jalpı esebi 1 mln 24 mıñğa jetken. Bwl salıstırmalı türde bıltırğıdan aytarlıqtay joğarı. 

Densaulıq saqtau ministrliginiñ resmi mälimetinşe, elde 3 qaraşa koronavirus (KVI+) jwqqan 1396 adam, al 2-si koronavirus pnevmoniyasına (KVI-) şaldıqqan 109 adam tirkeldi. Sonday-aq, seysenbide 37 qazaqstandıq aurudan qaytıs boldı. Bıltır däl osı uaqıtta resmi statistikada täuligine köp degende 700-ge deyin nauqas jäne 5-6 ölim jağdayı tirkeletin, stacionarlarda jatqan sırqattar sanı 4 mıñ şamasında edi. Qazir bwl körsetkiş eselep ösip otır, büginde elde 43 mıñ adam (KVI+ boyınşa 37 mıñ, KVI- boyınşa 5 mıñ) auırıp jatır.

#COVID Ötken küni PTR testi arqılı koronavirus jwqqanı rastalğan 1,4 mıñğa tarta adam anıqtaldı.  Olardıñ negizgi böligi nemese 12%-ı ädettegidey joğarı dinamikada twrğan bir ğana Almatı (211) qalasına, SQO (154), 12%-ı Pavlodar (142) oblısına tiesili. Qarağandı (129), astana (110), Almatı oblısı (89), Atırau (19) öñirlerinde birşama kemigen. Al Qostanay (132), Aqmola (121), ŞQO (82), BQO (52), Şımkent (46), Qızılorda (37), Aqtöbe (25), Türkistan (24), Jambıl (18), Mañğıstau (5) oblıstarınıñ basım böliginde auruşañdıq ösimi bayqaladı. Särsenbide aurudan ayıqqan 2321 adam üyine şığarılğan. 2 qaraşada jiını 29 adam qaytıs bolğan.

#COVID_pnevmoniyası Qaraşanıñ 2-si aqparatı bir täulikke keşigip beriletin koronavirus pnevmoniyasına şaldıqqan 109 nauqas esepke alındı. Vedomstvo dereginşe, bwl küni ŞQO (30), Jambıl (17), Şımkent (14), Aqmolada (8) köptep anıqtalğan. Sonımen qosa, 162 adam ayığıp şıqqan, tağı 8 adam köz jwmğan.

#Jalpı  DenMin deregine qarağanda, emdelip jatqan 43 mıñ nauqastıñ 7 mıñı auruhanada, 35 mıñı ambulatorlıq baqılauda. 520 nauqastıñ jağdayı naşar, ondağı 162 adamnıñ häli öte auır. Bwdan özge 102 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Şımkent, Atırau, Türkistan, Mañğıstau, BQO, Almatı oblısı, Jambıl, Aqtöbe, Qızılorda oblıstarınan basqa astana, Qarağandı, ŞQO, Almatı qalası «sarı aymaqqa» ötken. Basqa 4 aymaq (Qostanay, Pavlodar, Aqmola, SQO) twtastay «qızıl aymaqta» twr.

DenMinniñ QT redakciyasına bergen mälimetinşe, indet tarağan 2020-2021 jıldarı PTR testi oñ körsetken 1407 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq, ündistandıq jäne nigeriyalıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Jazğı üş ayda bas-ayağı 420 mıñ adam auırsa, 6,6 mıñnan asa adam köz jwmdı. Qırküyek ayınıñ özinde 99 mıñday nauqas esepke alınğan jäne 2117 adam qaytıs bolğan. Al qazan ayında 57 mıñ auru jäne 1078 ölim jağdayı tirkelgen.

Bıltır 13 naurızdan beri COVID-19 infekciyasın jwqtırğandar qatarı 944 mıñnan assa, 1 tamızdan bergi koronavirus pnevmoniyası 80 mıñğa juıqtağan. DDSW derekqorı men Wlttıq statistikada Qazaqstanda auırğandar sanı 1 mln 24 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi.

Pandemiyanıñ bas-ayağı 20 ayında jalpı virus jwqqandardan 20,6 mıñ adam (KVI+ / U07.1 – 12 181, KVI- / U07.2 – 5057, ilespe aurulardan – 3415) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 37-orınğa ornıqtı.

Ükimettiñ soñğı deregine qarağanda, Qazaqstanda 7,5 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 8,3 mln-nan asadı. Densaulıq saqtau ministri Aleksey Coy qaraşa ayınıñ üşinşi onkündiginen bastap vakcina alğanına jartı jıl ötkender üşin revakciyanaciya nauqanı jürgiziletinin mälimdegen.

The Qazaq Times