Almatı mektepterinde oflayn oqu procesi qalay jürgizilmek?

Biıl Almatı qalasında 300 mıñğa tarta oquşı 287 (207-si memlekettik, 80-i jeke menşik) jalpı bilim beretin mektepke baradı. 30 mıñday bala birinşi sınıpqa ayaq basqalı jatır. Almatılıq oquşılar pandemiya jağdayındağı üşinşi oqu jılın  qalay ötkizbek?

12 tamızda Almatı qalasınıñ bilim basqarması basşısı Läzzat Jılqıbaeva ÖKQ alañında ötken brifingteredakciya tilşisine jaña oqu jılındağı mektepterdegi oqu procesiniñ wyımdastırıluı jaylı swraqtarğa jauap berdi.

«Qala mektepterinde jwmıs isteytin äkimşilik bölim mamandarın qosa alğanda 36 845 qızmetker bar. Onıñ işinde 32 126 maman ekpe alğan, al özge 4719 qızmetker densaulıq jağdayına baylanıstı vakcina saldırmağan», – dep habarladı basqarma basşısı.

Jılqıbaevanıñ aytuınşa, mektepke bögde adamdar kirgizilmeydi. Al ata-analar men oquşınıñ jaqındarı  Ashyq jobası arqılı kire aladı. Eger mwğalim auıra qalğan jağdayda pedagogikalıq bağıttağı JOO studentteri jäne rezervtegi mamandardıñ esebinen bilim beru procesi jalğasatın boladı.

Ata-anaları ekpe almağan jağdayda oquşılar mektepke qabıldanbaydı degen talap joq.  Dästürli oqıtu formatına ötetin 1-11 sınıp oquşıları sanitarlıq normalardı saqtauı kerek. Mektepter qajetine qaray mwqtaj otbasılardan şıqqan oquşılarğa  jeke gigienalıq qorğanıs qwraldarınıñ qatarınan medicinalıq betperde men antiseptik tegin taratılatın boladı.

Almatı qalasınıñ bilim basqarması basşısı Läzzat Jılqıbaeva. 12 tamız 2021 jıl. Foto: Almatı qalası ÖKQ

«Oquşı auırğan jağdayda sınıp qaşıqtıqtan oqıtuğa jiberiledi. Eger balanıñ otbası müşeleriniñ biri ya ata-anası koronavirusqa şaldıqsa nemese baylanısta bolsa, onda oquşı  qaşıqtıqtan bilim aladı. Bilim oşağında bwqaralıq is-şaralar ötpeydi. Är sınıpqa jeke kabinet bekitiledi. Bastauış, orta jäne joğarı buın balaları üşin mektepke jeke kiru esikteri qamtamasız etiledi (balalardı äleumettik qaşıqtıqtı saqtau maqsatında mektepke ärtürli kireberisterden jiberetin boladı), sonday-aq ğimarat işinde balalar foye men dälizderde belgileri körsetilgen bloktar boyınşa jüretin boladı», – dedi ol.

Barlıq bilim beru wyımında köpşilikke ortaq sanitarlıq qwral-bwyımdar mektep byudjeti tarapınan 100% qamtılmaq. Sonımen qosa, mektep formasına qoyılatın talap saqtala beredi, bwl rette klassikalıq stil'degi ıñğaylı kiimmen keluge rwqsat etiledi.

Keyingi eki aptada Almatı qalasında 1778 baladan koronavirus anıqtalğan. 1738 oquşı üyde, al 40 bala stacionarlıq auruhanada emdelip jatır.

The Qazaq Times