Stoltenberg pen Ostin kezdesti. Foto: AP.

Aptanıñ alğaşqı küni (4 qazan) NATO bas hatşısı Yens Stoltenberg Uaşingtondağı saparın bastadı. Bwl saparında ol AQŞ prezidentimen, onıñ qorğanıs keñesşisimen, AQŞ qorğanıs ministrimen jäne memlekettik hatşısımen kezdesti. Osı kezdesulerdegi eñ negizgi taqırıp Qıtaydıñ artıp kele jatqan qauip-qateri aldında NATO-nıñ qalay äreket etui edi.

Uaşingtondağı saparınan bwrın Stroltenberg Qıtay SİM basşısı Uañ Imen onlayn-talqı ötkizgen bolatın. Ekeu arasındağı dialogta NATO men Qıtay qatınası turalı birqatar mäseleler söz bolğan. Qıtay sırtqı ister ministri sözinde NATO-ğa müşe keybir elderdiñ Qıtayğa jaqın teñiz aydındarında äskeri kemelerin jibergenin ayıptadı jäne NATO äuelgi geografiyalıq aumağınan şıqpauı kerek» degen  oyın aytqan. Beyjiñniñ resmi wstanımı sanalğan bwl pikir NATO üşin asa mañızdı bolğanı sözssiz.

Al, AQŞ-qa jasağan bwl saparında NATO bas hatşısı Qıtaydıñ qauipsizdikke töndiretin qaterleri aldında wyımnıñ  strategiyalıq josparların eñ ıqpaldı müşe elmen birge talqılap belgileudi maqsat etti.

Wyım jetekşisimen kezdesken Qwrama Ştat lauazımdıları tolıqtay NATO-nıñ qauipsizdikti qamtamasız etudegi mañızdılığın joğarı bağaladı. Bılayşa aytqanda Uaşington prezident Tramp kezindegidey NATO-dan teris aynalmaytını anıq boldı. Soğan qosa, Pentagonnıñ qazirgi basşısı Ostin AQŞ wyımğa investiciya saludı jalğastıratının da ayttı, äri ol NATO üşin strategiyalıq oy-josparların jañartu kerektigin basa aytqan.

Sonımen, NATO men onıñ eñ mañızdı äri quattı äskeri küşke ie müşesiniñ lauazımdı twlğaları arasındağı kezdesuden keyin NATO-nıñ jahandıq äreket etu strategiyası jañaradı dep tüsine bersek te boladı. Sebebi, Keñes odağı qwlağannan keyin NATO köbine Şığıs Europada belsendi bolıp, Mäskeudiñ äskeri agressiyasına jauap beruge nazar audarıp kelgen. Alayda, Qıtay sındı jaña derjava älem sahnasına köterilip, asa mañızdı strategiyalıq jürister Ündi jäne Tınıq mwhitı aymağına qaray oyıstı. Qalıptasqan jağday älemdegi eñ iri qauipsizdik wyımın jaña strategiya bekituge mäjbür etti.

The Qazaq Times