Aqtaudağı sot procesinen. Foto: centralasian.org

Aqtau qalasınıñ №2 sotı Oil Construction Company (OSS) mwnayşılarınıñ qamaudağı käsipodaq törağası Ämin Eleusinovtiñ ornına uçaske bastığı Berik Bekbaevtı saylau turalı «konferenciya şeşimin» bwzudı swrağan talap arızın qanağattandırmadı. 

Bwl turalı jazğan centralasian.org habarına qarağanda, sud'ya mwnayşılar belsendisi Qwspan Qosşağwlovtı OSS käsipodaq wyımı qoğamdıq birlestiginiñ törağası mindetin atqaruşı etip saylağan käsipodaqtıñ basqarma müşeleriniñ 1 naurızdağı otırısı hattamasınıñ zañsız dep tanılğanın mälimdedi.

Sot otırısına kuä retinde şaqırılğan OSS kompaniyasınıñ jwmısşıları Sağınış Nwrğaliev pen Ruslan Äbuov "eşqanday konferenciyanıñ bolmağanın", özderine "käsipodaqtıñ jaña törağasın saylau turalı äldebir qağazğa mäjbürlep qol qoydırtqanın" ayttı.

OSS mwnayşıları käsipodağınıñ törağası mindetin atqaruşı Berik Bekbaevtıñ tarapınan kuälik etuge kelgen Nwrbek Esenbaev «konferenciyada» hatşı retinde tek qol qoyğanın, biraq oğan qanşa adam qatısqanın bilmeytinin ayttı. Al jürgizuşi Aqılbek Äkimiyazov "eşqanday jinalıstı da, hatşını da körmegenin", biraq qol qoyğanın ayttı.

Mwnayşılar käsipodaqtı qorğap qalu üşin arı qaray arızdanatındarın ayttı.

OSS jwmısşılarınıñ käsipodağı basşısı Ämin Eleusinov Aqtauda biıl qañtardıñ 5-inen 21-ine deyin käsipodaq keñsesinde ötken mwnayşılardıñ jappay aştıq akciyası kezinde wstalıp, Astanağa jetkizilgen soñ eki ayğa qamauğa alınğan. Oğan "qılmıstıq senip tapsırılğan böten mülikti iemdendi, talan-tarajğa saldı", "bilik ökilderine bağınbadı, olardı ğaybattadı, kedergi keltirdi" degen ayıptar tağılğan. Onımen birge qamauğa alınğan OSS käsipodağınıñ eñbek inspektorı Nwrbek Qwşaqbaev "zañsız ereuilge qatısudı jalğastıruğa arandattı" dep ayıptalıp, 2 jıl 6 ay merzimge bas bostandığınan ayırıldı. Sot odan Techno Trading kompaniyası talap etken 25 million 200 mıñ teñgege juıq "materialdıq şığındı" öndirip beruge ükim kesti.

“The Qazaq Times”