اقتاۋ سوتى مۇنايشىلاردىڭ كەزەكتى ارىزىن قاراۋدان باس تارتتى

اقتاۋ قالاسىنىڭ №2 سوتى Oil Construction Company (وسس) مۇنايشىلارىنىڭ قاماۋداعى كءاءسىپوداق تءوراعاسى ءامين ەلەۋسىنوۆتىڭ ورنىنا ۋچاسكە باستىعى بەرىك بەكباەۆتى سايلاۋ تۋرالى «كونفەرەنتسيا شەشىمىن» بۇزۋدى سۇراعان تالاپ ارىزىن قاناعاتتاندىرمادى. 

بۇل تۋرالى جازعان centralasian.org حابارىنا قاراعاندا، سۋديا مۇنايشىلار بەلسەندىسى قۇسپان قوسشاعۇلوۆتى وسس كاسىپوداق ۇيىمى قوعامدىق بىرلەستىگىنىڭ توراعاسى مىندەتىن اتقارۋشى ەتىپ سايلاعان كاسىپوداقتىڭ باسقارما مۇشەلەرىنىڭ 1 ناۋرىزداعى وتىرىسى حاتتاماسىنىڭ زاڭسىز دەپ تانىلعانىن مالىمدەدى.

سوت وتىرىسىنا كۋا رەتىندە شاقىرىلعان وسس كومپانياسىنىڭ جۇمىسشىلارى ساعىنىش نۇرعاليەۆ پەن رۋسلان ءابۋوۆ "ەشقانداي كونفەرەنتسيانىڭ بولماعانىن", وزدەرىنە "كاسىپوداقتىڭ جاڭا توراعاسىن سايلاۋ تۋرالى الدەبىر قاعازعا ماجبۇرلەپ قول قويدىرتقانىن" ايتتى.

وسس مۇنايشىلارى كاسىپوداعىنىڭ توراعاسى مىندەتىن اتقارۋشى بەرىك بەكباەۆتىڭ تاراپىنان كۋالىك ەتۋگە كەلگەن نۇربەك ەسەنباەۆ «كونفەرەنتسيادا» حاتشى رەتىندە تەك قول قويعانىن، بىراق وعان قانشا ادام قاتىسقانىن بىلمەيتىنىن ايتتى. ال جۇرگىزۋشى اقىلبەك اكىميازوۆ "ەشقانداي جينالىستى دا، حاتشىنى دا كورمەگەنىن", بىراق قول قويعانىن ايتتى.

مۇنايشىلار كاسىپوداقتى قورعاپ قالۋ ءۇشىن ارى قاراي ارىزداناتىندارىن ايتتى.

وسس جۇمىسشىلارىنىڭ كاسىپوداعى باسشىسى ءامين ەلەۋسىنوۆ اقتاۋدا بيىل قاڭتاردىڭ 5-ىنەن 21-ىنە دەيىن كاسىپوداق كەڭسەسىندە وتكەن مۇنايشىلاردىڭ جاپپاي اشتىق اكتسياسى كەزىندە ۇستالىپ، استاناعا جەتكىزىلگەن سوڭ ەكى ايعا قاماۋعا الىنعان. وعان "قىلمىستىق سەنىپ تاپسىرىلعان بوتەن مۇلىكتى يەمدەندى، تالان-تاراجعا سالدى", "بيلىك وكىلدەرىنە باعىنبادى، ولاردى عايباتتادى، كەدەرگى كەلتىردى" دەگەن ايىپتار تاعىلعان. ونىمەن بىرگە قاماۋعا الىنعان وسس كاسىپوداعىنىڭ ەڭبەك ينسپەكتورى نۇربەك قۇشاقباەۆ "زاڭسىز ەرەۋىلگە قاتىسۋدى جالعاستىرۋعا ارانداتتى" دەپ ايىپتالىپ، 2 جىل 6 اي مەرزىمگە باس بوستاندىعىنان ايىرىلدى. سوت ودان Techno Trading كومپانياسى تالاپ ەتكەن 25 ميلليون 200 مىڭ تەڭگەگە جۋىق "ماتەريالدىق شىعىندى" ءوندىرىپ بەرۋگە ۇكىم كەستى.

“The Qazaq Times”