Prokuror "Tıyım salınğan wyımdı qwruğa atsalıstı" jäne "jwmısına aralastı" dep ayıptalğan 13 belsendiniñ törteuine 5 jıl türme jazasın swradı. Bwl turalı Azattıq radiosı habarladı. 

Basılımnıñ jazuınşa, sot otırısına tergeu izolyatorınan qatısqan bes belsendi qoldarına plakat wstap şıqqan. Onda belsendiler Euroodaq, AQŞ, Kanadadan Qazaqstanda pikirin aşıq aytqan belsendilerdiñ qudalanıp jatqanın aytıp, astanağa sankciya saluğa şaqırğan.

Jarıssöz kezinde prokuror ayıptaluşılarğa tömendegidey jaza swradı:

  • Abay Begimbetov - 5 jıl bas bostandığınan ayıru, 5 jılğa qoğamdıq sayasi jwmıspen aynalısuğa tıyım salu (405-bap 1,2-tarmağı boyınşa ayıptalğan);
  • Ashat Jeksebaev - 5 jıl bas bostandığınan ayıru, 5 jılğa qoğamdıq sayasi jwmıspen aynalısuğa tıyım salu (405-bap 1,2-tarmağı boyınşa ayıptalğan);
  • Qayrat Qılışev - 5 jılğa bas bostandığınan ayıru, 5 jılğa qoğamdıq sayasi jwmıspen aynalısuğa tıyım salu (405-bap 1,2-tarmağı boyınşa ayıptalğan);
  • Noyan Raqımjanov - 5 jılğa bas bostandığınan ayıru, 5 jılğa qoğamdıq sayasi jwmıspen aynalısuğa tıyım salu (405-bap 1,2-tarmağı boyınşa ayıptalğan).

405-baptıñ 2-tarmağı boyınşa ayıp tağılğandar boyınşa:

  • Aspandiyarova Dämetken - 1 jılğa bas bostandığın şekteu;
  • Baqdäulet Älibekov - 1 jıl bas bostandığın şekteu,
  • Diana Baymağambetova - 2 jılğa bas bostandığın şekteu
  • Gülzipa Jaukerova - 1 jıl bas bostandığın şekteu
  • Ninagül Jwmaniyazova - 1 jıl bas bostandığın şekteu
  • Ermek Qoziev - 1 jılğa bas bostandığın şekteu.
  • Marat Qwrbanov - bir jılğa bas bostandığın şekteu
  • Bolat Smağwlov - 1 jılğa bas bostandığın şekteu
  • Darhan Uäliev Darhan - 1 jılğa bas bostandığın şekteu.

13 belsendiniñ sotı 27 şildede bastalğan. Olardıñ barlığı - qoğamdıq-sayasi mäselelerge baylanıstı pikir-közqarasın aşıq aytıp, akciya-mitingilerge qatısıp jürgen azamattar.

2020 jılı astananıñ Esil audandıq sotı "Köşe partiyasın" "ekstremistik" dep tanıp, onıñ qızmetine tıyım salğan. Eki jıl bwrın QDT jwmısına da osınday sebeppen şekteu qoyğan edi. Europarlament bwl eki wyımdı "beybit oppoziciyalıq qozğalıs" dep ataydı.

Eki wyım Qazaqstandağı avtoritarlıq basqarudı toqtatudı jäne parlamenttik basqaru jüyesine köşudi talap etedi.

"Köşe partiyası" men QDT-ğa tıyım salu turalı sot şeşimderi jariyalanğan joq.

Biıl şilde ayında halıqaralıq Human Rights Watch (HRW) qwqıq qorğau wyımı Qazaqstan biligin belsendilerdi qudalamauğa jäne sayasi oppoziciyalıq qozğalıstardı "ekstremizm" üşin ayıptamay, erkin jwmıs isteuine mümkindik beruge şaqırğan edi.

The Qazaq Times