Erbol Eshojin. Foto: Azattıq radiosı

Keşe, 3 tamızda astananıñ №2 Sarıarqa audandıq sotı "qızmetine tıyım salınğan ekstremistik wyımnıñ jwmısına qatıstı jäne wyımdastırdı" dep ayıptalğan azamattıq belsendi Erbol Eshojindi 2 jıl 6 ayğa qamau turalı ükim şığardı. Bwdan bölek, oğan 5 jılğa deyin beybit jiındarğa qatısuğa, äleumettik jelilerdi paydalanuğa tıyım salındı. Belsendi ayıbın moyındağan joq. Bwl jaylı Azattıq radiosı jazdı. 

Sayt mälimetinşe, isti sud'ya Sabırjan Kärimov qaradı. Sot onlayn rejimde ötti. Sud'ya sotta "Eshojinniñ kinäsi sotta tolıq däleldendi" dep mälimdedi.

Erbol Eshojinniñ özi soñğı sözinde jalğan, dälelsiz ayıptarmen qamauda otırğanın, tek Konstituciyamen berilgen qwqığın paydalanğanın, ol üşin özin kinäli sanamaytının ayttı.

"Men özimdi kinäli dep sanamaymın jäne istegen äreketime ökinbeymin. Men basqa otandastarımdı öz pikirlerin aytuğa, bilikten qorıqpay, talap qoya biluge, konstituciyalıq qwqığın paydalanuğa üyrete alsam, ol meniñ jeñisim. Batıs aymaqta ereuil köbeydi, jwmısşılar jalaqı talap etip jatır dep estidim. Bwl azamattıq qoğamnıñ oyanğanı dep bilemin" dedi ol.

Sot ükimine say, Eshojin jazasın ortaşa qauipsizdik koloniyasında öteydi.

2019 jıldan beri eldegi äleumettik mäselelerge qatıstı pikirin aşıq aytıp jürgen belsendi, 44 jastağı Erbol Eshojin 2020 jıldıñ 22 jeltoqsanınan beri qamauda otır. Ol soñğı eki jılda "zañsız şeruge qatıstı" degen ayıppen altı ret qamalıp, soñğı bes aydı sanamağanda jiıntığı 85 kün abaqtıda otırğan. Birneşe ret äkimşilik jauapqa tartılıp, ayıppwlğa ilikken.

Qazaqstanda Erbol Eshojinmen qatar ondağan belsendige Qılmıstıq kodekstiñ 405-babınıñ 1 ("ekstremistik wyım qızmetin wyımdastıru") jäne 2 tarmağı ("ekstremistik wyım isine aralasu") boyınşa ayıp tağılğan. Qazir Almatıda13 belsendiniñ sotı ötip jatır.

22 mausımda astana sotı tağı bir azamattıq belsendi Asqar Qayırbekti de 1,5 jılğa bas bostandığınan ayırıp, bes jılğa deyin qoğamdıq jwmıstarmen aynalısuğa tıyım salğan.

Qazaqstan biligi şetelde twratın oppoziciyalıq sayasatker Mwhtar Äblyazovtıñ "Qazaqstannıñ demokratiyalıq tañdauı" (QDT) qozğalısın jaqtaytındardı jii qudalap, jauapqa tartadı.

2018 jılı Qazaqstan sotı QDT-nı "ekstremistik" dep tanıp, qızmetine tıyım salğan. Al 2019 jılı Europarlament QDT-nı "beybit oppoziciyalıq qozğalıs" dep atağan.

2020 jılı mamırda astana sotı tirkelmegen "Köşe partiyasın" QDT qozğalısımen bir wyım dep tanıp, onıñ da qızmetine tıyım salğan. Qazaqstan biligi eki wyımğa tıyım salu turalı şeşimin jariyalamağan. Äblyazov pen jaqtastarı sot şeşiminiñ sayasi astarı bar dep sanaydı.

"The Qazaq Times"