Putin Auğanstan bosqındarı turalı mälimdeme jasadı. Foto: BBC

Auğanstandağı twraqsızdıqqa baylanıstı elden sırtqa qaşqan bosqındar mäselesi oğan körşiles elder men aymaqtardı alañdatıp otırğanı belgili. Bwğan deyin AQŞ bastağan birqatar Batıs elderi Auğanstandıq bosqındardı viza mäselesi şeşilgenge deyin Ortalıq Aziya elderine ornalastıru turalı ötinişter jasağan bolatın. Bwl onsızda aymaqtıq twraqsızdıqtan sekem alıp otırğan Orta Aziyanı tipti de alañdatqandı.

Al, şın mäninde Auğanstan mäselesin ortaq şeşudi bılay qoyğanda bosqındardı elge kirgizu üşin de Orta Aziyadağı bes el qalay da Mäskeudiñ «batasın aluı» kerek sekildi. Bir kün bwrın sayasi partiyalardıñ bas qosuı kezinde Resey prezidenti Vladimir Putin Batıs elderiniñ bwl äreketin sınğa aldı.

Putinniñ sözinşe, Resey Qazaqstan arqılı Orta Aziya elderimen şekaralasatındıqtan bosqındardı tolıq baqılauğa alu, elge kirgizbey wstap twru qiındıq tudıradı. Resey basşısın Qazaqstanmen mıñdağan şaqırımdarğa sozılğan şekara alañdatıp otır. Al, bosqındar sanı milliondap sanalsa bwl Mäskeudiñ wyqısın qaşıratını belgili boldı.

Mälimdemesinde Putin Batıs elderin qattı sınğa aldı. «Bosqındar üşin viza mäselesin jaratıp, al onı şeşip bolğanşa Orta Aziyağa erkin jüre twrsın degen» ötinişti miğa simaytın äñgime qatarında bağalap otır.

The Qazaq Times