پۋتين اۋعانستان بوسقىندارى تۋرالى مالىمدەمە جاسادى. فوتو: BBC

اۋعانستانداعى تۇراقسىزدىققا بايلانىستى ەلدەن سىرتقا قاشقان بوسقىندار ماسەلەسى وعان كورشىلەس ەلدەر مەن ايماقتاردى الاڭداتىپ وتىرعانى بەلگىلى. بۇعان دەيىن اقش باستاعان بىرقاتار باتىس ەلدەرى اۋعانستاندىق بوسقىنداردى ۆيزا ماسەلەسى شەشىلگەنگە دەيىن ورتالىق ازيا ەلدەرىنە ورنالاستىرۋ تۋرالى وتىنىشتەر جاساعان بولاتىن. بۇل ونسىزدا ايماقتىق تۇراقسىزدىقتان سەكەم الىپ وتىرعان ورتا ازيانى ءتىپتى دە الاڭداتقاندى.

ال، شىن مانىندە اۋعانستان ماسەلەسىن ورتاق شەشۋدى بىلاي قويعاندا بوسقىنداردى ەلگە كىرگىزۋ ءۇشىن دە ورتا ازياداعى بەس ەل قالاي دا ماسكەۋدىڭ «باتاسىن الۋى» كەرەك سەكىلدى. ءبىر كۇن بۇرىن ساياسي پارتيالاردىڭ باس قوسۋى كەزىندە رەسەي پرەزيدەنتى ۆلاديمير پۋتين باتىس ەلدەرىنىڭ بۇل ارەكەتىن سىنعا الدى.

ءپۋتيننىڭ سوزىنشە، رەسەي قازاقستان ارقىلى ورتا ازيا ەلدەرىمەن شەكارالاساتىندىقتان بوسقىنداردى تولىق باقىلاۋعا الۋ، ەلگە كىرگىزبەي ۇستاپ تۇرۋ قيىندىق تۋدىرادى. رەسەي باسشىسىن قازاقستانمەن مىڭداعان شاقىرىمدارعا سوزىلعان شەكارا الاڭداتىپ وتىر. ال، بوسقىندار سانى ميلليونداپ سانالسا بۇل ماسكەۋدىڭ ۇيقىسىن قاشىراتىنى بەلگىلى بولدى.

مالىمدەمەسىندە پۋتين باتىس ەلدەرىن قاتتى سىنعا الدى. «بوسقىندار ءۇشىن ۆيزا ماسەلەسىن جاراتىپ، ال ونى شەشىپ بولعانشا ورتا ازياعا ەركىن جۇرە تۇرسىن دەگەن» ءوتىنىشتى ميعا سيمايتىن اڭگىمە قاتارىندا باعالاپ وتىر.

The Qazaq Times