Qoğamdıq densaulıq saqtau basqarması men mekeme basşılığı memlekettik tapsırıs alatın aqparat qwraldarınıñ kiruine rwqsat berilip, QT redakciyasına ayaq basqızbağan koronavirustan emdeuge arnalğan qalalıq jwqpalı aurular ortalığı modul'dik auruhanası. Şımkent qalası, Qaratau audanı, Asar ıqşam audanı. 15 tamız 2021 jıl. Foto: QT / Kültegin Aspanwlı

Qazaqstanda demalıs küni koronavirus pen oğan wqsas pnevmoniyağa şaldıqqandar sanı säl azaydı, olardıñ şamamen 6,9 mıñğa artıp, jalpı esebi 767 mıñnan astı. Tek şilde ayında 154 mıñ adam sırqattanıp, 1932 adam (KVI+ 1644, KVI- 288) qaytıs bolğan. Şilde ayınıñ ortasına qaray täuliktik körsetkişi 5 mıñnıñ, tamızğa qaray 7 mıñnıñ üstine şıqqan indettiñ törtinşi tolqınında keşe alğaş ret 7 mıñğa jeter-jetpes jağday tirkeldi. Tamız ayınıñ alğaşqı jartısında sırqattanğan 125 mıñ adam anıqtaldı jäne 2060 adam (KVI+ 1708, KVI- 352) köz jwmdı.

Densaulıq saqtau ministrliginiñ resmi mälimetinşe, elde 16 tamızda koronavirus (KVI+) jwqqan 6869 adam, al 15-i küni  koronavirus pnevmoniyasına (KVI-) şaldıqqan 53 adam tirkeldi jäne jeksenbide 118 qazaqstandıq aurudan qaytıs boldı. Qazir elde 120 mıñnan asa adam (KVI+ boyınşa 115,7 mıñ, KVI- boyınşa 4,7 mıñ) auırıp jatır.

#COVID  Ötken küni PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi ädettegidey mıñnan joğarı dinamikada twrğan Almatı (1517) qalası jäne Qarağandı (1101) oblısı. Bwdan özge astanada (632) auırğandar birşama kemip, Şımkent (450), Atırauda (562) epidahual tipti naşarlay tüsken.  Almatı (383), Aqtöbe (300), Pavlodar (330), Qostanay (273),  Aqmola (285), ŞQO (256), Jambıl (171), Qızılorda (148), SQO (161), Mañğıstau (152), Türkistan (83), Batıs Qazaqstan (65)  oblıstarında dert qaupi äli seyile qoymadı. Osı düysenbide aurudan ayıqqan 5848 adam üyine şığarılğan. Jeksenbide jiını 99 adam qaytıs bolğan.

#COVID_pnevmoniyası Tamızdıñ 15-i aqparatı bir täulikke keşigip beriletin koronavirus pnevmoniyasına şaldıqqan 53 nauqas esepke alındı. Vedomstvo dereginşe, jeksenbi küni sırqattar Şımkent (23), Almatı oblısı (21), Mañğıstau (10) oblıstarında köptep anıqtalğan. Sonımen qosa, 15 adam ayığıp şıqqan, tağı 19 adam köz jwmğan.

#Jalpı  DenMin deregine qarağanda, emdelip jatqan 120,5 mıñ nauqastıñ 31 mıñı auruhanada, 89,5 mıñı ambulatorlıq baqılauda. 1910 nauqastıñ jağdayı naşar, ondağı 529 adamnıñ häli öte auır. Bwdan özge 251 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Türkistan oblısınan basqa öñirdiñ bäri twtastay «qızıl aymaqta» twr.

DenMin habarınşa, 11 naurız ben 12 şilde aralığında PTR testi oñ körsetken 1311 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq jäne ündistandıq ştamdarı anıqtalğan.

Bıltır 13 naurızdan beri COVID-19 infekciyasın jwqtırğandar qatarı 701 mıñnan, 1 tamızdan bılayğı koronavirus pnevmoniyası 65 mıñnan asqan. DDSW derekqorı men Wlttıq statistikada Qazaqstanda auırğandar sanı 767 mıñğa jetti. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 14,4 mıñ adam (KVI+ / U07.1 – 7751, KVI- / U07.2 – 4092, ilespe aurulardan – 2633) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 41-orınğa ornıqtı.

Ükimettiñ soñğı deregine qarağanda, Qazaqstanda 4,7 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 6,1 mln-nan asadı.

The Qazaq Times