Azamattıq belsendi Asqar Qayırbek. Foto: Azattyq.org

Astanada "ekstremistik wyımnıñ jwmısın wyımdastırdı jäne qatıstı" dep ayıptalıp, 1,5 jılğa bas bostandığınan ayırılğan azamattıq belsendi Asqar Qayırbek türmede aştıq jariyaladı. Bwl turalı advokat Gülşat Düysenovanıñ sözine süyengen Azattıq radiosı habarladı. 

Aqparatqa qarağanda, belsendiniñ aştıq jariyalağanına 6 tamızda bes kün boldı.

"Ol isti qayta qarap, ädil ükim şığarudı talap etip otır. Ol özin kinäsizbin dep sanaydı jäne 405-baptıñ 1-böligi ( "ekstremistik wyımnıñ isine aralasu") jäne 405-baptıñ 2-böligi ("ekstremistik wyımnıñ jwmısın wyımdastıru") boyınşa aqtaudı talap etedi. Ekinşiden, Asqar Qazaqstanda bwl bap boyınşa köptegen adamğa şekteu jazasın berip jatqanda ne sebepti özin bas bostandıqtan ayırğanın tüsinbeydi" dedi advokat Gülşat Düysenova.

Onıñ sözine qarağanda, Asqar Qayırbek aştıq jariyalağanı turalı resmi türde ötiniş jazıp, türme äkimşiligin eskertken. Belsendi tamaqtan bas tartqan, qazir su ğana işip otır.

Soñğı ret 29 şildede türmege barğan advokat belsendiniñ eñsesi biraz tüsip ketkenin körgen.

Advokat osı aptada apellyaciyalıq şağım tüsirgen. Juırda qaraluı tiis. Äzirge sot otırısınıñ küni belgilenbegen.

22 mausımda astana sotı Asqar Qayırbekti 1,5 jılğa bas bostandığınan ayırğan. Bwğan qosa, bes jıl qoğamdıq-sayasi jwmıspen aynalısuğa tıyım salğan.

44 jastağı Asqar Qayırbek bıltır 22 jeltoqsanda qamauğa alınğan. Ol quğındağı bankir, oppoziciyalıq sayasatker Mwhtar Äblyazov basqaratın "Qazaqstannıñ demokratiyalıq tañdauı" (QDT) wyımına qatısı bar dep qamalğan.

"The Qazaq Times"