استانادا "ەكسترەميستىك ۇيىمنىڭ جۇمىسىن ۇيىمداستىردى جانە قاتىستى" دەپ ايىپتالىپ، 1,5 جىلعا باس بوستاندىعىنان ايىرىلعان ازاماتتىق بەلسەندى اسقار قايىربەك تۇرمەدە اشتىق جاريالادى. بۇل تۋرالى ادۆوكات گۇلشات دۇيسەنوۆانىڭ سوزىنە سۇيەنگەن ازاتتىق راديوسى حابارلادى.
اقپاراتقا قاراعاندا، بەلسەندىنىڭ اشتىق جاريالاعانىنا 6 تامىزدا بەس كۇن بولدى.
"ول ءىستى قايتا قاراپ، ءادىل ۇكىم شىعارۋدى تالاپ ەتىپ وتىر. ول ءوزىن كىناسىزبىن دەپ سانايدى جانە 405-باپتىڭ 1-بولىگى ( "ەكسترەميستىك ۇيىمنىڭ ىسىنە ارالاسۋ") جانە 405-باپتىڭ 2-بولىگى ("ەكسترەميستىك ۇيىمنىڭ جۇمىسىن ۇيىمداستىرۋ") بويىنشا اقتاۋدى تالاپ ەتەدى. ەكىنشىدەن، اسقار قازاقستاندا بۇل باپ بويىنشا كوپتەگەن ادامعا شەكتەۋ جازاسىن بەرىپ جاتقاندا نە سەبەپتى ءوزىن باس بوستاندىقتان ايىرعانىن تۇسىنبەيدى" دەدى ادۆوكات گۇلشات دۇيسەنوۆا.
ونىڭ سوزىنە قاراعاندا، اسقار قايىربەك اشتىق جاريالاعانى تۋرالى رەسمي تۇردە ءوتىنىش جازىپ، تۇرمە اكىمشىلىگىن ەسكەرتكەن. بەلسەندى تاماقتان باس تارتقان، قازىر سۋ عانا ءىشىپ وتىر.
سوڭعى رەت 29 شىلدەدە تۇرمەگە بارعان ادۆوكات بەلسەندىنىڭ ەڭسەسى ءبىراز ءتۇسىپ كەتكەنىن كورگەن.
ادۆوكات وسى اپتادا اپەللياتسيالىق شاعىم تۇسىرگەن. جۋىردا قارالۋى ءتيىس. ازىرگە سوت وتىرىسىنىڭ كۇنى بەلگىلەنبەگەن.
22 ماۋسىمدا استانا سوتى اسقار قايىربەكتى 1,5 جىلعا باس بوستاندىعىنان ايىرعان. بۇعان قوسا، بەس جىل قوعامدىق-ساياسي جۇمىسپەن اينالىسۋعا تىيىم سالعان.
نۇرايدىڭ ءولىمى: ەلەنبەگەن شاعىم مەن جاۋاپسىز قالعان قاۋىپ
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى