Auıl äkimderin saylau kezinde jurnalist quılğan Jambıl oblısınıñ Şu audanı Öndiris auıldıq okrugınıñ ortalığı Abay auılındağı №436 saylau uçaskesi. 25 şilde 2021 jıl. Foto: QT / Miyat Käşibay

Jambıl oblısındağı auıldardıñ birinde saylau uçaskeden aqparat taratqan The Qazaq Times tilşisi keşki sağat 17:00-ge qaray uçaskeden mäjbürli türde şığarıldı. Onı uçaskeden şığaru turalı AKT toltırğan komissiya törağası Törehan Azamatov jurnaliste PTR-testeniñ teris qorıtındısın rastaytın qwjatı joq degen uäj keltirgen.

Redakciya tilşisi 25 şildede tañerteñgi sağat 8:20 şamasında Şu audanı Öndiris auıldıq okrugınıñ ortalığı Abay auılındağı №436 saylau uçaskesin baqılap,  aqparat taratu üşin barğan. Bastapqıda uçaskelik saylau komissiyası tilşiniñ BAQ ökili retinde qwjattarın tirkep, saylau procesin baqılauğa rwqsat bergen. Sağat 9:30 şamasında tilşi Facebook jelisindegi jeke paraqşasında saylau  uçaskesindegi jağdaydan habar tarata bastağannan keyin komissiya törağası oğan şüylige bastağan.

Azamatov aldımen tilşiden redakciyalıq tapsırması bar-joğın swrağan. Tilşi swrağan qwjattı wsınğan.

Al sağat tüski 13.00 şamasında komissiya törağası jurnalisten PTR-test swrağan. Jurnalist PTR-test jasatpağanın aytqan soñ komissiya onı şığaruğa oqtalğan. Tilşiniñ «PTR-test ne sebepti tüsten keyin talap etildi?» degen swrağına komissiya törağası «Endi esime tüsti» degen jauap ayttı.

Osılayşa,  sağat keşki 17:00-ge qaray The Qazaq Times tilşisin birneşe policiya qızmetkeri uçaskeden küştep şığardı. Osıdan soñ tilşi saylau procesiniñ qalğan böligin uçaskeniñ  sırtınan baqıladı. Tilşiniñ esebi boyınşa, keşki 20.00-ge deyin tirkelgen 891 saylauşınıñ 381-i (42 %) dauıs beruge qatısqan. Alayda saylaudıñ qorıtındı hattaması basqaşa şıqtı. Komissiya esebinşe, dauıs beruge saylauşılardıñ 562-si (62%-ı) qatısqan.

«Ädil söz» qorınıñ zañgeri Ğaliya Äjenovanıñ Azattıq radiosı bergen pikirinde qarağanda, naqtı jağdayda saylau uçaskesiniñ ökilderi baqılauşılardı äu bastan teksermey, zañdı bwzıp otır.

«Bwl jerde saylau uçaskesiniñ ökilderi jurnalisti zaldan şığarudıñ amalın izdep, tapqandağısı sol PTR test bolıp otır ğoy. Olar PTR-testi tañerteñ swrauı kerek edi. Jurnalist uçaskedegi jağdaydı bayandağannan keyin onıñ äreketine solayşa reakciya tanıtıp otır. Bwl jerde saylau uçaskesiniñ ökilderi nege jwrttıñ bärin äu bastan teksermegen? Nege tüs kezinde kenetten jurnalisti tekserdi? degen zañdı swraqtar tuındaydı», – deydi zañger.

Saylau küni tüs kezinde resmi derekterde Jambıl oblısı Qazaqstan aumağında saylauşılar qatısuı jağınan alğaşqı orında twrğanı habarlanğan. Dese de jekelegen jağdayda jurnalist tap bolğan oqiğa men resmi jäne realdı eseptegi eleuli ayırmaşılıq erekşe nazar audartadı. Jurnalisti saylau uçaskesinen quu jağdayına Almatı oblısı Talğar audanında sayasi nauqannan aqparat taratıp jürgen redakciya tilşisi Alatau auıldıq okrugindegi №844 saylau uçaskesinde de wşırastı.

"The Qazaq Times"