I.S.Jekenova atındağı qalalıq klinikalıq jwqpalı aurular auruhanasınıñ Türksib audanındağı filialı. Säuir 2021 jıl. Almatı qalası. Foto: QT / Kültegin Aspanwlı

Qazaqstanda ötken täulikte 3899 adamğa koronavirus jwqqanı anıqtaldı. Bwl –bwrın-soñdı tirkelmegen eñ joğarı körsetkiş.

Densaulıq saqtau ministrliginiñ dereginşe, jeksenbi küni eñ köp nauqas astanada tirkelgen.  Elordada 950 adamnıñ koronavirus testi oñ şıqqan. Almatıda – 638, Qarağandı oblısında – 603, Atırau oblısında – 290, Şımkentte – 264, Batıs Qazaqstan oblısında – 215, Aqmola oblısında – 139, Mañğıstau oblısında – 126, Pavlodar oblısında 142 nauqas tirkeldi. Qalğan oblıstarda anıqtalğan nauqastar jüzge jetpeydi.

10 şildede indetten 37 adam qaytıs bolğan. Olardıñ 34-iniñ ölimine koronavirus, 3-euiniñ ölimine koronavirus pnevmoniyası sebep bolğan.

Qazir "jasıl aymaqta" Türkistan men Şığıs Qazaqstan oblısı ğana qalğan. Tört oblıs: Soltüstik Qazaqstan oblısı, Almatı oblısı, Jambıl men Qızılorda oblıstarı – "sarı aymaqta". Astana, Almatı, Şımkent qalaları, Pavlodar, Atırau, Qarağandı, Aqmola, Qostanay, Aqtöbe, Mañğıstau, Batıs Qazaqstan oblıstarı "qızıl aymaqta" twr. Algoritmge säykes, "qızıl aymaqtarda" karantin küşeyedi.

Resmi mälimet boyınşa, Qazaqstanda 2020 jıldıñ naurız ayınan beri 458 724 adamnıñ koronavirus testi oñ şıqqan. 4681-i qaytıs bolğan. Ükimet bıltır tamızdan beri PTR testimen rastalmağan, biraq auru belgileri boyınşa koronavirusqa wqsaytın pnevmoniya esebin jürgizip keledi. 10 şildege deyin 57 900 adam pnevmoniyanıñ osı türine şaldıqqan (10 şildede 40 adamnıñ pnevmoniyağa şaldıqqanı anıqtaldı), 3492-si qaytıs bolğan.

Keyingi aptalarda, elde "ündistandıq ştamm" tarala bastağalı koronavirus jwqtırğandar kün sayın köbeyip jatır.

Qazaqstanda aqpan ayınan beri halıqqa koronavirusqa qarsı vakcina salına bastadı. Sodan beri 4 mln 372 mıñ adam vakcinanıñ keminde bir dozasın alğan. 2 mln 442 mıñ adam vakcinanıñ eki dozasın alğan.

"The Qazaq Times"