Körneki suret.

Şilde ayında jauın-şaşınnıñ az tüsuine baylanıstı Qazaqstannıñ 4 oblısında ekstremaldı qwrğaqşılıq boluı mümkin. Bwl turalı bügin, 7 şildede «Qazgidromet» ortalığı habarladı.

Aqparatqa qarağanda, şildede ekstremaldı qwrğaqşılıq boluı mümkin aymaqtar:Aqtöbe oblısı (Nwra, Irğız), Qostanay oblısı (Qarameñdi, Amangeldi), Atırau oblısı (Qwlsarı), Mañğıstau oblısı (Aqqwdıq).

Qattı qwrğaqşılıq boluı mümkin aymaqtar: Aqmola oblısı (Esil, Jaqsı, Atbasar), Aqtöbe oblısı (Novorossiyskoe, Qarabwtaq, Basqwdıq, Nwra, Irğız), Qostanay oblısı (Presnogor'kovka, Arşalı, Tobıl, Aralköl, Torğay), Soltüstik Qazaqstan oblısı (Tayınşa), Mañğıstau oblısı (Sam).

Ortaşa qwrğaqşılıq boluı mümkin aymaqtar: Aqmola oblısı (Balkaşino), Aqtöbe oblısı (Komsomol'skoe, Temir), Qostanay oblısı (Mihaylovka, Qarasu, Jitiqara, Qwsmwrın, Dievskaya, Jeleznodorojnıy), Soltüstik Qazaqstan oblısı (YAvlenka, Sergeevka jäne Ruzaevka), Şığıs Qazaqstan oblısı (Leninogorsk), Jambıl oblısı (Qorday), Almatı oblısı (4-şi Auıl), Qızılorda oblısı (Qazalı), Atırau oblısı (Atırau).

Mausım ayınıñ soñğı onkündiginde jauğan mol jauın-şaşınnıñ arqasında, ortaşa ılğaldılıq jağdayıG: Batıs Qazaqstan oblısı (Jalpaqtal, Jänibek, Orda), Şığıs Qazaqstan oblısı (Baqtı), Mañğıstau oblısı (Beyneu).

Qalğan aumaqtardağı ılğal kölemi norma şamasında boladı. Bwdan bölek, sinoptikter şilde ayında eldiñ soltüstik-şığıs jartısında jauın-şaşın mölşeri normağa juıq boladı dep kütiletinin atap ötti.

"The Qazaq Times"