كورنەكى سۋرەت.

شىلدە ايىندا جاۋىن-شاشىننىڭ از تۇسۋىنە بايلانىستى قازاقستاننىڭ 4 وبلىسىندا ەكسترەمالدى قۇرعاقشىلىق بولۋى مۇمكىن. بۇل تۋرالى بۇگىن، 7 شىلدەدە «قازگيدرومەت» ورتالىعى حابارلادى.

اقپاراتقا قاراعاندا، شىلدەدە ەكسترەمالدى قۇرعاقشىلىق بولۋى مۇمكىن ايماقتار:اقتوبە وبلىسى (نۇرا، ىرعىز), قوستاناي وبلىسى (قارامەڭدى، امانگەلدى), اتىراۋ وبلىسى (قۇلسارى), ماڭعىستاۋ وبلىسى (اققۇدىق).

قاتتى قۇرعاقشىلىق بولۋى مۇمكىن ايماقتار: اقمولا وبلىسى (ەسىل، جاقسى، اتباسار), اقتوبە وبلىسى (نوۆوروسسيسكوە، قارابۇتاق، باسقۇدىق، نۇرا، ىرعىز), قوستاناي وبلىسى (پرەسنوگوركوۆكا، ارشالى، توبىل، ارالكول، تورعاي), سولتۇستىك قازاقستان وبلىسى (تايىنشا), ماڭعىستاۋ وبلىسى (سام).

ورتاشا قۇرعاقشىلىق بولۋى مۇمكىن ايماقتار: اقمولا وبلىسى (بالكاشينو), اقتوبە وبلىسى (كومسومولسكوە، تەمىر), قوستاناي وبلىسى (ميحايلوۆكا، قاراسۋ، جىتىقارا، قۇسمۇرىن، ديەۆسكايا، جەلەزنودوروجنىي), سولتۇستىك قازاقستان وبلىسى (ياۆلەنكا، سەرگەەۆكا جانە رۋزاەۆكا), شىعىس قازاقستان وبلىسى (لەنينوگورسك), جامبىل وبلىسى (قورداي), الماتى وبلىسى (4-ءشى اۋىل), قىزىلوردا وبلىسى (قازالى), اتىراۋ وبلىسى (اتىراۋ).

ماۋسىم ايىنىڭ سوڭعى ونكۇندىگىندە جاۋعان مول جاۋىن-شاشىننىڭ ارقاسىندا، ورتاشا ىلعالدىلىق جاعدايىگ: باتىس قازاقستان وبلىسى (جالپاقتال، جانىبەك، وردا), شىعىس قازاقستان وبلىسى (باقتى), ماڭعىستاۋ وبلىسى (بەينەۋ).

قالعان اۋماقتارداعى ىلعال كولەمى نورما شاماسىندا بولادى. بۇدان بولەك، سينوپتيكتەر شىلدە ايىندا ەلدىڭ سولتۇستىك-شىعىس جارتىسىندا جاۋىن-شاشىن مولشەرى نورماعا جۋىق بولادى دەپ كۇتىلەتىنىن اتاپ ءوتتى.

"The Qazaq Times"