Koronavirusqa qarsı emdeude älemniñ betalısı birdey emes. Foto: MInt,

Bay jäne kedey elderdiñ ayırması koronavirus indetine qarsı emdeu kezinde de anıq bayqalıp jatır. Qazirgi tañda är 30 sekunt sayın bir europalıq virusqa qarsı vakciyana qabıldap jatsa, AQŞ azamattarınıñ keminde 60 payızı emdeudiñ alğaşqı basqışınan ötip qoydı. Al, DDSW bolsa biıl da indettiñ tebini küşti bolıp, bıltırğığa qarağanda adam öliminiñ köp bolıp jatqanın eskertti.

Düniejüzilik densaulıq saqtau wyımınıñ mälimetine qarağanda, Amerikalıqtardıñ jartısınan köbi emdeuden ötip bolğan twsta, twtas Afrika qwrlığında är 200 adam işinde ne barı eki-aq adam vakcina alğanı belgili boldı. Vakcinanıñ jetkizilui patenttik jäne öndiru qwqığı mäselesi qazirgi tañda älem elderi arasında küşti talqı taqırıbına aynalıp otır.

Virusqa qarsı emdeu jağdayı. Foto: Fortune.

Atalmış covid-19 virusına qarsı vakcinalar zañdıq qorğaluın qamtamasız etu üşin onıñ qatañ patenttik qwqığı saqtalğan. Alayda, osı patenttik qwqığı keybir äleumeti tömen elderdiñ vakcinağa qol jetkizuine şekteu bolıp otır. Aytalıq, Ündistan, Oñtüstik Afrika sekildi jüzden astam memleket patettik qwqıqtan bas tartu maqwldığın swrap otır. Sebebi, olar azamattarına qol jetimdi bağada vakcina öndiru üşin vakcinanıñ receptin ala almay otır.

Bwğan deyin de älemde tarağan qauipti indetter kezinde de kedey memleketter vakcinağa qol jetkizude osınday qiınşılıqtarğa tap bolğanı bar. Äleumeti tömen memleketter üşin otandıq vakciyana öndiru men azamattarına jetkizudiñ bwdan özge de qiınşılıqtarı indetti erterek eñseruge qol baylau bolıp otır.

“The Qazaq Times”