كوروناۆيرۋسقا قارسى ەمدەۋدە الەمنىڭ بەتالىسى بىردەي ەمەس. فوتو: MInt,

باي جانە كەدەي ەلدەردىڭ ايىرماسى كوروناۆيرۋس ىندەتىنە قارسى ەمدەۋ كەزىندە دە انىق بايقالىپ جاتىر. قازىرگى تاڭدا ءار 30 سەكۋنت سايىن ءبىر ەۋروپالىق ۆيرۋسقا قارسى ۆاكتسيانا قابىلداپ جاتسا، اقش ازاماتتارىنىڭ كەمىندە 60 پايىزى ەمدەۋدىڭ العاشقى باسقىشىنان ءوتىپ قويدى. ال، ددسۇ بولسا بيىل دا ىندەتتىڭ تەبىنى كۇشتى بولىپ، بىلتىرعىعا قاراعاندا ادام ءولىمىنىڭ كوپ بولىپ جاتقانىن ەسكەرتتى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە قاراعاندا، امەريكالىقتاردىڭ جارتىسىنان كوبى ەمدەۋدەن ءوتىپ بولعان تۇستا، تۇتاس افريكا قۇرلىعىندا ءار 200 ادام ىشىندە نە بارى ەكى-اق ادام ۆاكتسينا العانى بەلگىلى بولدى. ۆاكتسينانىڭ جەتكىزىلۋى پاتەنتتىك جانە ءوندىرۋ قۇقىعى ماسەلەسى قازىرگى تاڭدا الەم ەلدەرى اراسىندا كۇشتى تالقى تاقىرىبىنا اينالىپ وتىر.

ۆيرۋسقا قارسى ەمدەۋ جاعدايى. فوتو: Fortune.

اتالمىش covid-19 ۆيرۋسىنا قارسى ۆاكتسينالار زاڭدىق قورعالۋىن قامتاماسىز ەتۋ ءۇشىن ونىڭ قاتاڭ پاتەنتتىك قۇقىعى ساقتالعان. الايدا، وسى پاتەنتتىك قۇقىعى كەيبىر الەۋمەتى تومەن ەلدەردىڭ ۆاكتسيناعا قول جەتكىزۋىنە شەكتەۋ بولىپ وتىر. ايتالىق، ءۇندىستان، وڭتۇستىك افريكا سەكىلدى جۇزدەن استام مەملەكەت پاتەتتىك قۇقىقتان باس تارتۋ ماقۇلدىعىن سۇراپ وتىر. سەبەبى، ولار ازاماتتارىنا قول جەتىمدى باعادا ۆاكتسينا ءوندىرۋ ءۇشىن ۆاكتسينانىڭ رەتسەپتىن الا الماي وتىر.

بۇعان دەيىن دە الەمدە تاراعان قاۋىپتى ىندەتتەر كەزىندە دە كەدەي مەملەكەتتەر ۆاكتسيناعا قول جەتكىزۋدە وسىنداي قيىنشىلىقتارعا تاپ بولعانى بار. الەۋمەتى تومەن مەملەكەتتەر ءۇشىن وتاندىق ۆاكتسيانا ءوندىرۋ مەن ازاماتتارىنا جەتكىزۋدىڭ بۇدان وزگە دە قيىنشىلىقتارى ىندەتتى ەرتەرەك ەڭسەرۋگە قول بايلاۋ بولىپ وتىر.

“The Qazaq Times”