Qazaqstan biıl prezidenttik el basqarudan parlamenttikke auısıp jatqanı belgili. Al Türkiya kersinşe referendum ötkizudiñ  nätijesinde parlamenttik bilikten, prezidenttikke auısıp jatır. Osığan baylanıstı bügin eki el basşılarınıñ soñğı jasağan sayasi şeşimderine qısqaşa toqtaludı jön kördik.  

Qazaqstandı 26 jıl basqarğan Nwrswltan Nazarbaev biıl 76 jasqa  kelgen şağında Qazaqstandı prezidenttikten, parlamenttik basqaru jüyesine auıstıruğa baylanıstı el Konstituciyasına birqatar özgerister engizgen bolatın. Al, payğambar jasına kelgen Türkiya prezidenti Redjep Tayp Erdoğan bolsa, kersinşe öz biligin küşeytip, eldi parlamenttikten prezidenttik basqaru formasına köşirip jatır.

Erdoğan elge ölim jazasın engizemin dep Euroodaq zañnamalarına qarsı şığıp, Batıstan alşaqtap jatsa, Nazarbaev latın jazuına köşemiz dep Batısqa jaqın ekendigin bayqatuda.  Erdoğan 2023 jılğa deyin öz biligin küşeytip, Türkiya Respublikasınıñ 100 jıldıq mereytoyında el prezidenti retinde tarihta qaludı közdese, N.Nazarbaev özinen keyin bilikti kimge qaldırıp ketudi oylastırıp jatqan tärizdi.

Qorıta kelgende, qazirgi tañda Aqordadağı sayasi jüye  twraqtı bolğanımen Qazaqstan ötpeli kezeñde twrğanı belgili. Nazarbaevtan keyin kim bilik tizginin wstaytını äzirge beymälim.  Al, Türkiya sol bir adamdıq twraqtı sayasi jüyege qadam basıp otır. Türkiyada qazirdiñ özinde Erdoğanğa qarsı twra alatın qanday da  bir sayasi partiya nemese twlğa joq.  Biraq, eldegi älsiz bolsa da bir qatar oppziciyalıq partiyalar,  Erdoğannıñ bwl absolyuttik el basqaruı avtoritarizmge alıp kelui mümkin dep alañdauşılıq tanıtıp jatqanın ayta ketken jön.

“The Qazaq Times”