Foto: MIT photo from laboratory of Evelyn Wang

Berkli universiteti men  Massaçusets tehnalogiyalıq institutınıñ ğalımdarı Kaliforniyada jäne özge de şöldi öñirlerde tek Künniñ energiyasın paydalana otırıp qwrğaq auadan sudı öndirip şığaratın gadjet jasap şıqtı dep jazdı Science jurnalı.

Täjiribeni jüzege asırğan ğalımdardıñ biri Omar YAgi (Omar Yaghi): «Bizdiñ armanımız – Kün energiyası arqılı jwmıs jasaytın qwrılğılar arqılı özin-özi sumen qamtamasız ete alatın  täuelsiz üylerdi jasap şığu. Al bizdiñ täjiribemiz bwl armannıñ aqiqat bola alatındığın däleldep otır. Biz «derbestendirilgen» sudı jasap şığuğa senimdi qadam basıp kelemiz» - degen bolatın, jurnalğa bergen swhbatında.

Jer betindegi auız su mäselesi kün ötken sayın örşip bara jatqandığı belgili. BWW-nıñ esebine säykes, 2025 jılı älem twrğandarınıñ 14 payızı su jetispeuşiliginen zardap şegui mümkin. Büginde mwhittardağı twzdı sudı öñdeuden ötkizip, öndiris pen basqa da maqsattarda paydalanu jolğa qoyıluda. Tipti arab elderi bwl ädisti öndiristik maqsatta birneşe jıl boyı paydalanıp keledi.

Biraq bwl ädis ekonomikalıq tiimsiz äri energiyanı köp qajet etedi. Sonımen qosa, tazalağış qwbırlar tez bitelip, isten şığıp jatadı. Osı kedergilerdi eskere otırıp ğalımdar sudı öndirudiñ osığan deyin tek fantastikalıq fil'mder men kitaptarda kezdesetin jaña ädisin oylap tapqan bolatın.

Bwl täjiribeniñ negizinde metall-organikalıq karkas jatır. YAğni osı MOK-tıñ öte berik jabındı qwrılımınıñ arqasında onıñ kürdeli polimerli materialdarı arqılı kömirqışqıl gazı men sutegin süzgiden ötkizip, ülken kölemdegi gazdı wstap twrıp, sol arqılı sudı aluğa boladı  eken.

“The Qazaq Times”