Germaniya. Foto: inventure.com.ua

Künnen alınatın elektr quatın öndiruşi elderdiñ qatarında Germaniya aldıñğı qatarda. Qazir ğalımdar osı qosımşa energiya türine erekşe män berip, onı damıtu joldarın qarastırumen aynalısıp jatır. Osığan oray Kün energiyasın elektr energiyasına aynaldıratın qwrılğılardı paydalanu deñgeyi jıldan-jılğa artqan. Bir ğana mısal, nemis temirjolşıları jañartılğan energiya közderin kädege jaratu arqılı ekologiyağa tietin ziyannıñ aldın alğan.

Deutsche Bahn (DB) nemis temirjol koncerni 2038 jılğa deyin kün, jel, biomassa jäne su energiyasın qoldanbaq. Biıl koncernniñ şığındarındağı üles 60%-dan asqan. Atap aytqanda, birneşe jıl bwrın Germaniyanıñ jolauşılar men elektrovozdarı bar IC/EC poyızdarı elektr energiyasın balamalı közderden aldı.


Enerparc kün elektr stanciyası. Foto: www.dw.com

Dpa aqparat agenttiginiñ bwl fotosuretter qazir Meklenburg, Pomeraniya jerinde tüsirilgen. Onda Plau-am-Ze qalasınıñ janında Enerparc firmasınıñ 90 gektardan astam jaña kün elektr stanciyası ornalasqan. Eki kompaniya arasındağı kelisimşartqa säykes, aldağı 30 jılda DB tek osı jerden jılına 80 gigavatt-sağattan astam elektr energiyasın aladı.

Jıl sayın bwl koncern şamamen 10 teravatt-sağat energiya jwmsaydı, bwl Gamburg qalasındağı twrğındardıñ jıldıq ömir süru uaqıtına teñ.

Foto: www.dw.com

Kün quatı – şeşuşi ekologiyalıq faktorlardıñ biri. Atap aytqanda jarıq jerde ömir süretinderdiñ barlığın derlik fotosintez  arqılı energiyamen jäne qwnarlı zattarmen qamtamasız etedi. Tiri ağzalar üşin säule tolqınınıñ wzındığı, onıñ qarqındılığı jäne säulelendirudiñ wzaqtığı qajet. Kün energiyasın paydalanudıñ özindik artıqşılıqtarımen qatar kemşilikteri de bar.

Artıqşılıqtarı:

1) Kün energiyası bärine birdey qoljetimdi;

2) ol sarqılmaydı;

3) qorşağan ortağa qauipsiz;

Kemşilikteri:

1) aua rayı men täuliktiñ uaqıtına täueldi;

2) Kün energiyasın alu üşin qoldanılatın qwrılğılardıñ qımbattılığı;

3) onı şağıldıratın betti periodtı türde tazalap otıru qajet;

4) elektr stanciyasınıñ janında atmosfera ısıp ketedi;

5) energiyanı akkumulyaciyalau qajet.

"The Qazaq Times"