31 مامىر كۇنى تۇستەن كەيىن اقتوبەدەگى "جولاۋشىلار اۆتوكولىك كاسىپورنىنىڭ" جۇرگىزۋشىلەرى مەن كوندۋكتورلارى جۇمىستان پارككە ورالىپ، نارازىلىققا شىقتى. بۇل جايلى ازاتتىق راديوسى حابارلادى.
ازاتتىقتىڭ جازۋىنا قاراعاندا، جۇمىسقا شىعۋدان باس تارتقان ءجۇز شاقتى ادام جولاقىسى 150 تەڭگە بولعالى اقتوبەدە جولاۋشى تاسىمالى قيىنداپ كەتكەنىن ايتقان.
"بۇگىننەن باستاپ اقتوبەدە جول اقىسى قولما-قول اقشامەن تولەگەن جاعدايدا - 150 تەڭگە، كولىك كارتالارىن قولدانۋشىلار ءۇشىن - 80 تەڭگە. كارتاسى جوق جولاۋشىلار 150 تەڭگە تولەگىسى كەلمەيدى. قولما-قول اقشانىڭ بولماۋى اۆتوبۋس جۇرگىزۋشىلەرى ءۇشىن دە قيىن. ويتكەنى كوندۋكتوردىڭ ايلىعىن جۇرگىزۋشى ءوز قالتاسىنان تولەيدى. "كاسىپورىن" كوندۋكتورلاردى شتاتقا الماي وتىر. ودان بولەك قوسالقى بولشەككە دە اقشا بەرمەيدى. كوشەدە جولاۋشى تاسىپ جۇرگەن اۆتوبۋستان بۇزىلىپ پاركتە تۇرعانى كوپ. بۇدان ءارى بۇلاي جۇمىس ىستەي المايمىز" دەدى جۇرگىزۋشىلەردىڭ ءبىرى رۋسلان دوسمامبەتوۆ.
"جولاۋشىلار اۆتوكولىك كاسىپورنى" اۆتوبۋس جۇرگىزۋشىلەرىنىڭ ەڭبەكاقىسىن كۇندىك جوسپاردىڭ ورىندالۋىنا قاراي تولەيدى. كولىگى بۇزىلىپ، جوسپاردى ورىنداي الماعان جۇرگىزۋشىلەردىڭ باسىم كوپشىلىگى ساۋىردە 30-40 مىڭ تەڭگە جالاقى العانىن ايتادى.
"جولاۋشىلار اۆتوكولىك كاسىپورنى" ديرەكتورى قۋانىشقالي عۇبايدۋللين جۇمىسقا شىعۋدان باس تارتقان جۇرگىزۋشىلەر مەن كوندۋكتورلاردى سابىرعا شاقىرىپ، كومپانيانىڭ قارجىلىق جاعدايى قيىن ەكەنىن ايتاقان. بىراق سوزىنە ەشكىم قۇلاق اسپاي قويدى. اۆتوبۋستارىن قاڭتارىپ قويعان جۇمىسشىلار ەرتەڭ دە نارازىلىقتارىن جالعاستىراتىندارىن ايتتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟