Ortalıq Aziya elderi. Foto: ec.europa.eu

Ortalıq Aziya elderi Qazaqstan men Özbekstan jıl soñına deyin «aziyalıq şengen» – Silk Road ortaq vizasın engizudi josparlap otır

«Aziyalıq şengen» atalatın Silk Road Visa jobasın engizu jwmıstarın osı jıldıñ soñına deyin ayaqtaudı josparlap otır. Bwl turalı «Sputnik Qazaqstan» basılımına Mädeniet jäne sport ministrligi habarladı. Bastapqı kezeñde Silk Road jobasına Qazaqstan men Özbekstan kiredi.

Mädeniet ministrliginiñ habarlauınşa, Silk Road Visa köp rettik elektrondıq turistik vizası turalı erejeler jäne azamattarı osınday vizağa jügine alatın elderdiñ birıñğay tizimi kelisildi. Viza berudiñ birıñğay elektrondıq jüyesin engizu boyınşa kelissözder jürgizilude.

Bolaşaqta «aziyalıq şengen» qwramına Qırğızstan men Äzirbayjan kiredi dep kütilude. Silk Road Visa köp rettik elektrondıq turistik vizası älemniñ tükpir-tükpirinen kelgen turisterge birden birneşe elge baruğa mümkindik beredi. Wsınılğan tetik transwlttıq turistik önim jolındağı kedergilerdi eñseruge mümkindik bermek.

Özbekstan vice-prem'eriniñ bıltırğı mälimdemesine säykes, Silk Road jobasın 2020 jılı iske qosu josparlanğan bolatın. Al alğaş «Aziyalıq şengen» qwru ideyasın 2018 jıldıñ mausımında Dariğa Nazarbaeva kötergen edi. 2019 jılı Qazaqstannıñ Sırtqı ister ministrligi bwl mäsele tereñirek zertteudi talap etetinin habarladı.

"The Qazaq Times"