Almatı qalası «qızıl aymaqqa» engeli elu künnen asıp, al osı uaqıt aralığında 27 807 nauqas anıqtalsa da karantin şekteui biraz bosañsıdı. «Baraholka» atalıp ketken sauda qatarlarınıñ biri. 30 säuir 2021 jıl. Foto: QT / Kültegin Aspanwlı

Köktem tuğalı Qazaqstanda 110 mıñday sırqat tirkelip ülgerdi. Respublikanıñ üşinşi tolqında qızıl aymaqqa ötkenine ay toldı. Kündelikti anıqtalıp jatqan nauqastar sanı eki mıñnan, al ölim jağdayı 20-dan azayar emes. Bwl pandemiya kezindegi eñ auır körsetkiş. 

Densaulıq saqtau ministrliginiñ resmi mälimetinşe, elde 29 säuir koronavirus (KVI+) jwqqan 2853 adam, al 28-i küni koronavirus pnevmoniyasına (KVI-) şaldıqqan 105 adam tirkeldi. Qazir elde 42,7 mıñnan asa adam (KVI+ boyınşa 42 235 , KVI- boyınşa 495) auırıp jatır.

#COVID PTR testi arqılı koronavirus jwqqanı rastalğan nauqastardıñ basım böligi ädettegidey Almatı qalası (675) men astanada (566) tirkeldi. Bwdan özge  Qarağandı (255), Almatı (180), BQO (155), Aqmola (150), Pavlodar (146), Aqtöbe (130) oblıstarı jäne Şımkentte (105) dert dendep twr. Ötken täulikte aurudan ayıqqan 2626 adam üyine jiberilgen. Bwdan özge beysenbide jiını 30 adam qaytıs bolğan.

#COVID_pnevmoniyası 28 säuirde aqparatı bir täulikke keşigip beriletin koronavirus pnevmoniyasına şaldıqqan 105 nauqas esepke alındı. Vedomstvo dereginşe, Jambıl (25), Almatı (21), ŞQO (11), Mañğıstau mäne Atırau (ärqaysız segiz-segizden) oblıstarında köptep tirkelgen. Sonımen qosa, 95 adam ayığıp şıqqan, tağı 3 adam köz jwmğan.

#Jalpı  DenMin deregine qarağanda, emdelip jatqan 42 730 nauqastıñ 15 mıñı auruhanada, 27,5 mıñı ambulatorlıq baqılauda. Ahualı naşar 763 nauqastıñ jağdayı qiın, ondağı 196 adamnıñ häli öte auır. Bwdan özge 112 sırqat ökpeni jasandı jeldetu apparatımen tınıstap jatır.

Osılayşa äzirge virustıñ taralu qateri jağınan SQO, Qostanay men Türkistan oblısı «jasıl aymaqta». Almatı, ŞQO, Jambıl, Aqtöbe, Mañğıstau oblıstarı men Şımkent «sarı», al Atırau, Aqmola, BQO, Pavlodar, Qızılorda,  Qarağandı oblıstarı, Almatı qalası men astana «qızıl aymaqta» twr.

Ükimet mälimetinşe, osı köktemde genomdıq zertteu nätijesinde eldiñ basım böliginen virustıñ braziliyalıq, britandıq jäne oñtüstikafrikalıq ştamdarı anıqtalğan.

Elde qañtar ayınıñ ekinşi jäne aqpan ayınıñ alğaşqı jartısında nauqastar qatarı kürt köbeygen. Aqpan ayınıñ ekinşi jartısında birşama kemigen edi, dese de naurızda qayta arttı. Qazir täuligine keminde 2,5 mıñ sırqat jäne 20 şaqtı ölim jağdayı tirkelip jatır. Säuir ayında tabılğan keyster sanı – 75 mıñ sırqat jäne 615 ölim jağdayı. Bwl naurız ayınan eki esege artıq. Jalpı köktemniñ eki ayında 110 mıñ (KVI+ 106 mıñ, KVI- 3,5 mıñ) nauqas anıqtaldı, 1062 adam (KVI+ 896, KVI- 166) ömirden qayttı.

Bıltır 13 naurızdan beri COVID-19 infekciyasın jwqtırğandar qatarı 320 mıñğa, 1 tamızdan bılayğı koronavirus pnevmoniyası 53 mıñğa taqağan. DDSW derekqorı men Wlttıq statistikada Qazaqstanda auırğandar sanı 372,5 mıñnan asqan. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardıñ 6081-i (KVI+ / U07.1 – 3668, KVI- / U07.2 – 794, ilespe aurulardan – 1619) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan. Eskerer jayt, ministrlik 2020 jılı KVI- statistikasın esepke almas bwrın jıldağıdan üş esege ösken pnevmoniyanıñ 256 mıñ jağdayınan (bıltırğı qañtar-şilde aralığındağı) koronavirustıq türin anıqtap-zertteuden bas tartqan. Mamandar osı keysterdi ob'ektivti türde zerdelegende şınayı esep qazirgiden äldeqayda köp bolar edi dep esepteydi. Demek joğarıdağı san da naqtı bolmauı mümkin.

Qazaqstan virus taraluı boyınşa älemde Worldometers derekqorı, Djons Hopkins universiteti jäne DDSW tizimindegi 221 el men aymaqtıñ arasında 47-orında twr.

Ükimettiñ soñğı deregine qarağanda, Qazaqstanda 1 mln 184 mıñ adam koronavirusqa qarsı reseylik Sputnik V jäne otandıq QazVac vakcinasınıñ alğaşqı dozasın alğan.

"The Qazaq Times"