Qazaqstannıñ eks-prezidenti N. Nazarbaev pen qazirgi prezidenti Q.Toqaev

Qazaqstanıñ eks-prezidenti Nwrswltan Nazarbaev Qazaqstan halqı assambleyası törağalığınan bas tartıp, ol lauazımın eldiñ qazirgi prezidenti Qasım-Jomart Toqaevqa berdi. Bwl turalı bügin, 28 säuirde ötken assambleyasınıñ  29-sessiyasında belgili boldı.

Sessiyanı qorıtındılağan Nazarbaev QHA törağası lauazımın eldiñ is basındağı prezidenti atqaruı tiistigin alğa tarttı.

«Qazaqstan Respublikasınıñ Twñğış prezidenti – Elbası turalı» Konstituciyalıq zañğa, Assambleya turalı zañğa säykes mağan Qazaqstan halqı assambleyasınıñ törağası lauazımın ömir boyı atqaru qwqığı berilgen. Jalpı men sizdermen barlıq uaqıtta birge bolamın äri odan bas tartpaymın da. Degenmen assambleyanı basqaruğa qatıstı birqatar qwziret elimizdiñ prezidentine jüktelgen. Tipti, bwl da mañızdı emes. Qazaqstan halqı assambleyası tirek retinde is basındağı prezidenttiñ janında twruı tiis jäne ekinşi jağınan Memleket basşısı da Assambleyağa arqa süyeydi. Sondıqtan men assambleyanı basqaru qwqığımdı prezident Qasım-Jomart Toqaevqa beru turalı şeşim qabıldadım» dedi Nwrswltan Nazarbaev.

Qazaqstan halqı assambleyası 1995 jılı konsul'tativti-keñesşi organ retinde Nazarbaev bastamasımen qwrılğan. Onı sol sätten bastap Nazarbaevtıñ özi basqarıp keldi. Bwl organğa 2007 jılı konstituciyalıq märtebe berilgen. Osıdan keyin assambleya parlamenttiñ tömengi palatası – mäjilistiñ toğız deputatın saylau qwqığına ie boldı. Elde bwl organnıñ jwmısın sınaytındar köp.

Qazaqstandı 30 jılğa juıq üzdiksiz bilegen 80 jastağa Nazarbaev 2019 jıldıñ naurızında prezidenttik ökiletinen bas tartıp, bilikti senattıñ col kezdegi spikeri Qasım-Jomart Toqaevqa tapsırğan. Biraq ol  Qauipsizdik keñesiniñ, «Nwr Otan» partiyasınıñ törağası retinde bilikke äli de ıqpalın jürgizip otır.

«The Qazaq Times»