Densaulıq saqtau ministri A.Coy. Foto: Baigenews.kz

"Qızmettik ökiletin asıra paydalandı" dep ayıptalıp jatqan "SK-Farmaciya" kompaniyasınıñ bwrınğı basşısı Berik Şäriptiñ advokattarı sotqa densaulıq saqtau ministri Aleksey Coydı kuäger retinde şaqıruın swradı. Bwl aqparttı Tengrinews.kz saytı habarladı.

Şäriptiñ üstinen qozğalğan is boyınşa sot 21 säuirde bastalğan. Oğan eki bap boyınşa ayıp tağılğan: "qızmettik ökiletin asıra paydalanu" (361-bap, 4-tarmaq 3-punkt) jäne "zañsız qaru-jaraq saqtau, alu, tasımaldau" (287-bap 2-tarmaq 3-4 punkter).

Tengrinews.kz saytınıñ aqparatına qarğanda, 28 cäuirdegi sot otırısında Şäriptiñ advokatı Erlan Mäken jäbirlenuşi tarap (Densaulıq saqtau ministrligi) ökiliniñ sot barısında qoyılğan swraqtarğa jauap bere almağanın alğa tartıp, kuäger retinde ministr Coydıñ özin şaqırtudı swrağan.

Al jäbirlenuşi tarap ökili ministrdi sotqa şaqırtu "negizsiz" dep aytqan.

"Ötinişti qanağattandırudan bas tartuıñızdı swraymın, öytkeni qorğauşı tarap ötinişti bergen kezde jalğan derekterdi paydalandı. Bizdi köptegen swraqqa jauap bermedi deydi. Jauapsız qalğan swraqtarğa men kelesi sot otırısında jauap beremin. Olardıñ jalpı sanı nebarı bes swraqtı qwraydı. Ministrdi sot otırısına şaqırtu artıq dep esepteymin, öytkeni ministr mağan ministrliktiñ atınan senimhat jazdı"  dedi jäbirlenuşi taraptıñ ökili Serjan Oralov sotqa.

Sud'ya qos taraptıñ ötiniş boyınşa birjaqtı şeşim şığarğan joq, biraq sotta qoyılğan swraqtarğa jauap ala alınbasa, kuäger retinde Coydı şaqırtu mäselesin qarastıratının jetkizdi.

"Men jäbirlenuşi taraptıñ ökiline qoyğan swraqtarım boyınşa oğan dayındaludı tapsırdım. Qajet bolğan jağdayda siz ministrliktiñ qanday da bir qwrılımdıq bölimşeleriniñ basşılarınan jauap alu turalı ötiniş jasay alasız, olar osı swraqtarğa tolığıraq jauap bere aladı, biz olardı şaqıramız. Eger sot jauap almasa jäne ministrdi şaqıru qajet dep tapsa, men advokattıñ ötinişine oralamın. Sonımen qatar, kuägerler tiziminde bwrınğı ministr Eljan Birtanov bar, oğan da swraqtar qoya alamız" dedi sud'ya Qanat Düysembiev.

Prokuraturanıñ boljauınşa, Berik Şärip "bir rettik qorğanış kiimderin satıp alu boyınşa basqa tasımaldauşılarğa qarağanda qımbatıraq bağa wsınıp, sonıñ özinde önimdi uaqıtında jetkizbegen kompaniyağa basımdıq bergen". Prokuratura ökilderiniñ aytuınşa, bıltır indet örşigen şaqta – säuir-mamır aylarında respublikalıq mañızı bar qalalar men aymaqtarda sonıñ saldarınan qorğanış kiim tapşılığı tuındap, nätijesinde därigerler jappay koronavirusqa şaldıqqan. Sotta densaulıq saqtau ministrliginen kuälik retinde kelgen adam sol aralıqta elde 2 mıñğa juıq medicina qızmetkerine koronavirus jwqqanın aytqan.

Berik Şäripti ayıptap jatqan prokurorlardıñ aytuınşa, ol 2007 jılı Oñtüstik Qazaqstan oblısınıñ (qazirgi Türkistan oblısı) densaulıq saqtau departamentinde qızmet istep jürgen kezde dükennen qaru-jaraq satıp alıp, onı zañdı türde tirketpegen. Bıltır tamız ayında tintu kezinde sol äreketi äşkerelenip, tärkilengen. Oğan "qaru-jaraqtı zañsız saqtauğa" baylanıstı ayıp osı äreketine baylanıstı tağılıp otır.

"SK-Farmaciya" – memlekettik auruhanalarğa däri-därmek jetkizetin birıñğay distrib'yutor kompaniya. Berik Şärip bıltır osı kompaniyanı 4 ay basqarğan. Ol bwl qızmetinen bıltır şilde ayında elde koronavirus indeti örşip twrğan şaqta prezident Qasım-Jomart Toqaev sınan keyin bosatılğan.  Toqaev sol kezde "SK-Farmaciya" töñireginde "qanday da klandardıñ müddesi bar" dep aytqan.

«The Qazaq Times»