Densaulıq saqtau ministrligine qarastı Sanitarlıq-epidemiologiyalıq baqılau komiteti törayımı Ayjan Esmağambetova jäne orınbasarı Zäure Ahmetova. Fotokollaj: QR OKQ

Komitet törayımı men orınbasar nwsqasındağı koronavirusqa qayta şaldıqqandar sanı bir aptada birden «jüzdegen esege arttı».

Ministrliktiñ sanitarlıq-epidemiologiyalıq baqılau komiteti törağasınıñ orınbasarı Zäure Ahmetova bügin OrtKom alañında ötken brifingte Qazaqstanda 800 şaqtı adam koronavirustı qayta jwqtırğanın mälimdedi.

«Zertteu materialı men statistikalıq mälimetterge säykes, 800-ge juıq adam qayta auırğan sırqat retinde tirkelgen. Biraq bwl jağdaydıñ ärqaysısın epidemiologtar men sala mamandarı jiti  zerttep, konsilium jürgizetin boladı», – dedi Ahmetova.

Ol keyinnen tolıq aqparat beruge uäde etti.

Bir qızığı, osığan deyin däl osı törde säuirdiñ 14-i küni brifingte Ahmetovanıñ bastığı, komitet törayımı Ayjan Esmağambetova mwnday dertke şaldıqqandar nebäri ekeu dep edi.

Esmağambetova «Äzirge resmi tirkelgen eki jağday bar. Degenmen jaña ştamdardıñ taraluı sebepti qayta jwqtıru ıqtimaldığı joğarı ekenin aytqım keledi. Sondıqtan emdeu hattamasına qayta sırqattanu turalı tüsinik engizilip, oğan jatatın jağdaylar naqtılandı» degen.

Ministrlik mälimetinşe, qayta sırqattanğan alğaşqı jağday Qarağandı oblısında bıltır qazan ayında tirkelgen. Qaraşa ayında BQO densaulıq saqtau basqarması basşısınıñ orınbasarı Gülnar Abdrahmanovanıñ koronavirus jwqtırğan nauqastıñ arada birneşe ay ötken soñ qayta auırğanı jönindegi mälimdemesin vice-ministr Ajar Ğiniyat men komitet jetekşisi Ayjan Esmağambetova teristegen edi.

Qazaqstannıñ densaulıq saqtau salasında statsitika eñ bası daulı mäsele. Pandemiya twsındağı negizgi esep koronavirus statistikasınıñ özi sarapşı-mamandar men aqparat qwraldarınıñ eskertu-sını boyınşa üzdiksiz jetildirilip keledi. QT redakciyasınıñ ündeuimen birqatar kemşilikter tolıqtırılğan.

“The Qazaq Times”