Qazaqstan prezidenti Qasım-Jomart Toqaev respublikalıq jäne jergilikti joldardıñ qwrılısı men jöndeu jwmıstarın retke keltiru üşin osı saladağı tağı birneşe şeneunikti qızmetinen bosatuğa tapsırma bergen. Bwl jaylı bügin, 20 säuirde prezidenttiñ baspasöz hatşısı Berik Uäli Facebook paraqşasında habarladı.
"Prezident Qasım-Jomart Toqaevtıñ tapsırması boyınşa respublikalıq jäne jergilikti joldardıñ qwrılısı men jöndeu jwmıstarın retke keltiru jalğasıp jatır. Osı saladağı jwmıstardı jäne baqılaudı bosañsıtıp alğanı üşin Industriya jäne infraqwrılımdıq damu ministrligi Avtomobil' joldarı komitetiniñ törağası S.Barmaqov, Batıs Qazaqstan, Soltüstik Qazaqstan jäne Aqtöbe oblıstarı äkimderiniñ orınbasarları T.Şäkimov, I.Turkov jäne N.Qalauovtar qızmetinen bosatıldı. Ükimet, äkimder, qwqıq qorğau organdarı byudjet qarjısınıñ tiimsiz jwmsaluınıñ aldın alu, jol qwrılısı salasındağı keleñsizdikterdi joyu üşin şaralar qabıldap jatır" delingen Uälidiñ Facebook-tağı jazbasında.
Ötken aptada Toqaev "QazAvtojol" wlttıq kompaniyasınıñ basşısı Wlan Älipovtiñ qızmetinen bosatqan. Sol kezde onıñ baspasöz hatşısı Berik Uäli Facebook-tağı paraqşasında prezidenttiñ Älipovtiñ jwmısına köñili tolmağanın jazğan edi.