Körneki suret. Foto: gazeta.ru

Keşe AQŞ Kreml'diñ AQŞ-tağı prezident saylauına kiliguine jäne Qırım anneksiyasına baylanıstı Reseyge sankciya engizip, 10 diplomatın elden şığaru turalı jarlıqqa qol qoyğan. Endi bwğan qarımta jauap retinde Resey de AQŞ diplomatiyalıq missiyasınıñ 10 qızmetkerine osınday şara qoldanbaq.

Bwğan deyin Resey prezidenti Vladimir Putinniñ kömekşisi YUriy Uşakov AQŞ elşisi Djon Sallivanğa Amerika jaña sankciya saludı toqtatuı kerektigin, bolmasa Resey «batıl qadamğa baruğa» mäjbür bolatının aytqan.

Aq üy äkimşiligi engizgen şara boyınşa 30-ğa juıq zañdı jäne jeke twlğalarğa şekteu şaraları engizilip, 10-ğa juıq reseylikter AQŞ-tan şığarıladı. Sankciya tzimine enetinder qatarında şeneunikter men barlau qızmetkerleri bar. Sonımen qatar, Djo Bayden amerikalıq qarjı wyımdarına rubl'men wsınılğan bağalı qağazdardı satıp aluğa tıyım salu turalı Jarlıqqa qol qoyuğa nietti. Tıyım mausımnan bastap küşine enui mümkin.

AQŞ-tıñ Reseyge sankciya engizudiñ tağı bir sebebi – SolarWinds töñiregindegi dau. Osı jıldıñ qañtarında AQŞ barlau qoğamdastığınıñ ökilderi SolarWinds dep atalatın auqımdı kiberşabuıldıñ artında Resey biligi twruı mümkin degen qorıtındığa keldi. Kiberşabuıl toğız federaldı departamentke jäne jüzge juıq jeke kompaniyalarğa keri äser ketken. 18 mıñğa juıq sub'ektke şabuıl jasalğan.

"The Qazaq Times"