كەشە اقش كرەملدىڭ اقش-تاعى پرەزيدەنت سايلاۋىنا كيلىگۋىنە جانە قىرىم اننەكسياسىنا بايلانىستى رەسەيگە سانكتسيا ەنگىزىپ، 10 ديپلوماتىن ەلدەن شىعارۋ تۋرالى جارلىققا قول قويعان. ەندى بۇعان قارىمتا جاۋاپ رەتىندە رەسەي دە اقش ديپلوماتيالىق ميسسياسىنىڭ 10 قىزمەتكەرىنە وسىنداي شارا قولدانباق.
بۇعان دەيىن رەسەي پرەزيدەنتى ۆلاديمير ءپۋتيننىڭ كومەكشىسى يۋري ۋشاكوۆ اقش ەلشىسى دجون سالليۆانعا امەريكا جاڭا سانكتسيا سالۋدى توقتاتۋى كەرەكتىگىن، بولماسا رەسەي «باتىل قادامعا بارۋعا» ءماجبۇر بولاتىنىن ايتقان.
اق ءۇي اكىمشىلىگى ەنگىزگەن شارا بويىنشا 30-عا جۋىق زاڭدى جانە جەكە تۇلعالارعا شەكتەۋ شارالارى ەنگىزىلىپ، 10-عا جۋىق رەسەيلىكتەر اقش-تان شىعارىلادى. سانكتسيا تزىمىنە ەنەتىندەر قاتارىندا شەنەۋنىكتەر مەن بارلاۋ قىزمەتكەرلەرى بار. سونىمەن قاتار، دجو بايدەن امەريكالىق قارجى ۇيىمدارىنا رۋبلمەن ۇسىنىلعان باعالى قاعازداردى ساتىپ الۋعا تىيىم سالۋ تۋرالى جارلىققا قول قويۋعا نيەتتى. تىيىم ماۋسىمنان باستاپ كۇشىنە ەنۋى مۇمكىن.
اقش-تىڭ رەسەيگە سانكتسيا ەنگىزۋدىڭ تاعى ءبىر سەبەبى – SolarWinds توڭىرەگىندەگى داۋ. وسى جىلدىڭ قاڭتارىندا اقش بارلاۋ قوعامداستىعىنىڭ وكىلدەرى SolarWinds دەپ اتالاتىن اۋقىمدى كيبەرشابۋىلدىڭ ارتىندا رەسەي بيلىگى تۇرۋى مۇمكىن دەگەن قورىتىندىعا كەلدى. كيبەرشابۋىل توعىز فەدەرالدى دەپارتامەنتكە جانە جۇزگە جۋىق جەكە كومپانيالارعا كەرى اسەر كەتكەن. 18 مىڭعا جۋىق سۋبەكتكە شابۋىل جاسالعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى