Amerikanıñ Iraktağı äskeri missiyası biılğı jıldıñ soñına deyin ayaqtaladı. 

Djo Bayden Iraktıñ prem'er-ministri Mwstafa äl-Kazımimen kezdesuinde osı jañalıqtı jariya etti. Sonday-aq Aq üy basşısı Uaşington men Bağdat arasındağı lañkestikke qarsı küres boyınşa ıntımaqtastıq jalğasa beretinin jetkizdi. Bayden amerikalıq mamandar Iraktıñ qauipsizdik küşterin oqıtu, üyretu jäne olarğa keñes berumen aynalısadı.

Bayden mälimdemesinde: «Biz qauipsizdik salasındağı ıntımaqtastıqqa basımdıq beremiz. «DAIŞ»-qa qarsı birlesken kürestiñ aymaqtağı twraqtılıq üşin mañızı zor. Lañkestikpen küres jolındağı ortaq is-äreketimiz jalğasadı», – dedi.

Qazir Irakta AQŞ-tıñ şamamen 2500 äskeri bar. Bayden Tayau Şığıstağı terrorizmmen küresti toqtatpaytının aytıp, biraq negizgi nazardı Qıtayğa bwratının mälimdedi. Vaşington qazir AQŞ üşin Qıtay äreketi qauipsizdikke qauip töndiredi dep esepteydi.

Mwnımen qatar, Irak prem'er-ministrimen kelissöz kezinde AQŞ prezidenti koronavirusqa qarsı vakcina jiberuge uäde etti.

"The Qazaq Times"