Qazaqstan Halıq jazuşısı Qabdeş Jwmadilov. Foto: Aşıq derekközden.

Qazaqtıñ qabırğalı qalamgeri, qazaq prozasınıñ bir biigi, Qazaqstannıñ Halıq jazuşısı, Qazaqstan memlekettik sıylığınıñ iegeri Qabdeş Jwmadilov 85 jasqa qarağan şağında dünieden ozdı. 

Aytulı qalamger 1936 jıldıñ säuirinde qazirgi Şıñjañnıñ Tarbağatay öñirinde düniege kelgen. 1956 jıldan bastap Atamekenge taban tirep, qazaq ädebietindegi wzaq saparın bastağan. Wlt qalamgerlerin tületken "Jwldız", "Qazaq ädebieti" basılımdarında qızmetter atqarğan.

Qabdeş Jwmadilov qalamınan qazaq oqırmandarı sanasınan öşpeytin "Daraboz", "Tağdır", Soñğı köş", "Atameken" t.b. şığarmalar tudı. Bwlardıñ arasında "Tağdır" attı romanımen jazuşı 1990 jılı Abay atındağı Qazaqstannıñ memlekettik sıylığın alğan edi.

Qazaqqa ortaq qazağa oray, marqwmnıñ otbasına, tuıs-tuğanına, jalpı oqırmandarına qayğısına ortaqtasıp, köñil aytamız! Marqwmnıñ janı jänı janatta, jatqan jeri jarıq bolğay!

“The Qazaq Times”