قازاقتىڭ قابىرعالى قالامگەرى، قازاق پروزاسىنىڭ ءبىر بيىگى، قازاقستاننىڭ حالىق جازۋشىسى، قازاقستان مەملەكەتتىك سىيلىعىنىڭ يەگەرى قابدەش ءجۇمادىلوۆ 85 جاسقا قاراعان شاعىندا دۇنيەدەن وزدى. 

ايتۋلى قالامگەر 1936 جىلدىڭ ساۋىرىندە قازىرگى شىڭجاڭنىڭ تارباعاتاي وڭىرىندە دۇنيەگە كەلگەن. 1956 جىلدان باستاپ اتامەكەنگە تابان تىرەپ، قازاق ادەبيەتىندەگى ۇزاق ساپارىن باستاعان. ۇلت قالامگەرلەرىن تۇلەتكەن "جۇلدىز", "قازاق ادەبيەتى" باسىلىمدارىندا قىزمەتتەر اتقارعان.

قابدەش ءجۇمادىلوۆ قالامىنان قازاق وقىرماندارى ساناسىنان وشپەيتىن "دارابوز", "تاعدىر", سوڭعى كوش", "اتامەكەن" ت.ب. شىعارمالار تۋدى. بۇلاردىڭ اراسىندا "تاعدىر" اتتى رومانىمەن جازۋشى 1990 جىلى اباي اتىنداعى قازاقستاننىڭ مەملەكەتتىك سىيلىعىن العان ەدى.

قازاققا ورتاق قازاعا وراي، مارقۇمنىڭ وتباسىنا، تۋىس-تۋعانىنا، جالپى وقىرماندارىنا قايعىسىنا ورتاقتاسىپ، كوڭىل ايتامىز! مارقۇمنىڭ جانى ءجانى جاناتتا، جاتقان جەرى جارىق بولعاي!

“The Qazaq Times”