Foto: ERA

AQŞ prezidenti Djo Baydenniñ äkimşiligi kelesi aptada Reseyge sankciya engizui mümkin. Bwl turalı CNN habarladı.

Osı aptada AQŞ Wlttıq barlau qızmeti 2020 jılğı prezidenttik saylauğa Resey men Irannıñ aralaspaq bolğanı turalı bayandama jariyalağan bolatın. osıdan keyin Bayden äkimşiligi eki elge sankciya engizu mäselesin kötergen.

Bayandamada Putin Djo Baydenniñ bedelin tüsiru turalı bwyrıqa bergeni jazılğan. Sonımen qatar, avtorlar: «2020 jılı birde-bir şeteldik derjava Reseydiñ siyaqtı saylauğa äser etu maqsatında keñ auqımdı nauqan jürgizuge tırıspadı. Al Resey demokratiyalıq partiyanıñ elektrondıq poştasına hakerlik şabuıl jasap, äleumettik jelilerde feyk habar tarattı», – deydi.

Reseydiñ 2020 jılı AQŞ-tağı saylau kampaniyasına aralasqanı jaylı twjırımdar 16 naurızda jarıq körgen AQŞ wlttıq barlau qızmeti jariyalağan 15 bettik bayandamada aytıladı. Qwjatta Tramptıñ odaqtastarı Mäskeu müddesine say äreket etip, reseyşil qızmetkerlerdiñ Baydendi sınauına atsalısqanı jazılğan. Äzirge, Resey tarapı bwğan qatıstı mälimdeme jasağan joq.

AQŞ barlau qızmeti Reseyden bölek, özge de birqatar elderdiñ saylau qorıtındısına ıqpal etpek bolğanın anıqtağan. Atap aytqanda, Iran Tramp jaqtastarınıñ senimsizdigin arttıruğa tırısqan. Tehran AQŞ-tı Iranmen jasalğan yadrolıq kelisimnen şığarıp, Iranğa jaña sankciya salğanı üşin Tramptan ese qaytarmaqşı bolğan.

"The Qazaq Times"