Köktemgi karantinnen keyin Almatı irgesinde koronavirustan qaytıs bolğandardı jerleytin zirat basında. 25 mımır 2020 jıl. Almatı oblısı. Foto: Azattıq radiosı / Manas Qayırtaywlı

Bıltır HHİ ğasır bastalğalı Qazaqstan tarihındağı  «eñ qasiretti» jıl bolğanın jıldıq ölim statitsikasınan bayqauğa boladı. 2020 jılı 162,5 mıñnan astam adam ömirden ötse, aldıñğı jılı statistika bwdan 30 mıñğa kem edi.

Toqaevtıñ ekinşi joldauımen ötken küzde qwrılğan Strategiyalıq josparlau  jäne reformalar agenttiginiñ qaramağına  Ekonomika ministrliginen auısqan Wlttıq statistika byurosınıñ deregine qarağanda, bıltırğı adam ölimi aldıñğı jıldan keminde 20%-ğa artqan. Bıltır köz jwmğan 163 613 adamnıñ ölimi Qazaqstan üşin jaña jüzjıldıqtağı eñ joğarı körsetkiş.

2020 jıl älem halqı koronavirus pandemiyasına wşırap, ömir süru saltı aytarlıqtay özgerdi. Jüz mıñdağan adam tikeley virustıñ kesirinen qayttı. Sonıñ arasında Qazaqstan da densaulıq saqtau jüyesiniñ dayınsızdığınan «mausım-şilde qırğınına» tap boldı. Saldarınan auruhanalarda maman, ottek qorı jäne nauqastardı qabıldaytın orın jetispey, el därihanalardıñ aldında sağattar boyı qalıñ kezekte twrdı. Sabılğan jwrt däri-därmekke der kezinde qol jetkize almadı. Tipti jedel järdem qızmeti jüktemeniñ auırlauınan barlıq şaqırtuğa ülgermegen künder ötti. Dert dendegen şaqta auruhanalar men emhanalarda josparlı emdelu-profilaktika şaraları şetin qalıp, sozılmalı aurularğa şaldıqqan basqa nauqastar qajetti medicinalıq qızmetterden qağılğanı esimizde.

Ükimettiñ jazdıgüni jol berip alğan «halıqtıq tragediyanıñ» suıq izin şilde jäne tamız aylarındağı statistikadan anığıraq körinedi. Şildede türli sebepten 28 178, aldıñğı jılı däl osı ayda 12 420 adam qaytıs bolğan. Bıltır tamız ayında 2019 jılğa sol aralıqtağı uaqıtqa qarağanda 7358-ge artıq ölim jağdayı tirkelgen.

Densaulıq saqtau ministrligi älemde pandemiya rejimi jariyalanğan künnen beri koronavirus statistikasın birneşe ret özgertip, Toqaevtan üş märte eskertu alğan. Dese de äli künge deyin medicina salasındağı esep tolıqtay jolğa qoyılmay keledi. DDSW-nıñ şilde ayındağı konsul'tativti sınınan keyin 1 tamızdan bastap koronavirustan bölek onıñ pnevmoniyalıq türin (KVI- nemese U07.2) esepteu qolğa alınğan edi. Aleksey Coydıñ komandası bwğan deyingi jartı jıldan astam uaqıtqa tiesili, ädettegiden üş esege wlğayğan pnevmoniyanıñ arasınan koronavirustı anıqtauğa qwlıqsızdıq tanıtıp, şınayı statistikanı qalıpqa keltiruden bas tartqan.

Resmi esep boyınşa, 13 naurızdan beri COVID-19 infekciyasın jwqtırğandar qatarı 199 mıñnan, 1 tamızdan bergi koronavirus pnevmoniyası 48 mıñnan asıp, jalpı auırğandar sanı 247.5 mıñğa jetken. Sonımen qosa, 2020 jılğı naurız ayınan beri Qazaqstanda virus jwqqandardıñ 4278-i (KVI+ / U07.1 – 2626, KVI- / U07.2 – 591, ilespe aurulardan – 1061) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 1061 adamdı jalpı statistikağa engizbeydi. Bwğan qarsı sarapşılardıñ sözinşe, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Täuelsiz sarapşılar men belsendi därigerler kürt ösken ölimniñ basım böligi koronavirustan ekenin aytadı.

"The Qazaq Times"