Foto: aşıq derekköz

Qazaqstandağı adam qwqığı jönindegi halıqaralıq byuro men «Halıqaralıq qwqıqtıq bastamanıñ» jwmısın salıq organdarı üş ayğa şektedi. Sonımen qatar, atalğan ükimettik emes wyımdarğa 2 million teñge köleminde ayıppwl da salındı.

Wyım direktorı Evgeniy Jovtis: «Salıq organınıñ qızmetkeri isti qarağan adamğa köp jağdaydı aytıp otırdı. Biz sol salıq organı qızmetkerine swraq qoymaq boldıq. Biz köptegen däyek wsındıq, biraq onı qabıldamadı. Şeşim äli küşine engen joq, memlekettik kiris departamentine şağım tüsiruge on kün uaqıtımız bar. Odan keyin sotqa baramız, eger bwl istiñ sayasi astarı bolsa, ümit az», – deydi.

Qwqıq qorğauşı mwnıñ astarında sayasi sebep jatır dep esepteydi. Qaulı äzirge küşine engen joq. Adam qwqıqtarı men zañdılıqtı saqtau jönindegi halıqaralıq byurosı bwl şeşimniñ üstinen kiris departamenti, äkimşilik sotqa, qajet bolsa apellyaciyalıq sot pen BWW-nıñ Adam qwqıqtarı jönindegi komitetine şağımdanbaq.

Halıqaralıq qwqıq qorğau wyımdarı Qazaqstandağı memlekettik organdardıñ äreketin sınğa alıp, «repressivti şaralar» dep atağan. Bwğan deyin birneşe ükimettik emes wyımdardı zañsız tekseru jwmıstarı jürgizilgen. 15 qañtarda Almalı audandıq salıq departamenti «Eho» wyımınıñ qzımetin üş ayğa toqtatu jäne 200 aylıq eseptik körsetkiş köleminde ayıppwl salu turalı şeşim şığarğan. Al 19 qañtarda astanadağı Esil audandıq kiris basqarması «Erkindik qanatı» wyımına 277 mıñ teñge köleminde ayıppwl salu turalı şeşim şığardı.

"The Qazaq Times"