قازاقستانداعى ادام قۇقىعى جونىندەگى حالىقارالىق بيۋرو مەن «حالىقارالىق قۇقىقتىق باستامانىڭ» جۇمىسىن سالىق ورگاندارى ءۇش ايعا شەكتەدى. سونىمەن قاتار، اتالعان ۇكىمەتتىك ەمەس ۇيىمدارعا 2 ميلليون تەڭگە كولەمىندە ايىپپۇل دا سالىندى.
ۇيىم ديرەكتورى ەۆگەني جوۆتيس: «سالىق ورگانىنىڭ قىزمەتكەرى ءىستى قاراعان ادامعا كوپ جاعدايدى ايتىپ وتىردى. ءبىز سول سالىق ورگانى قىزمەتكەرىنە سۇراق قويماق بولدىق. ءبىز كوپتەگەن دايەك ۇسىندىق، بىراق ونى قابىلدامادى. شەشىم ءالى كۇشىنە ەنگەن جوق، مەملەكەتتىك كىرىس دەپارتامەنتىنە شاعىم تۇسىرۋگە ون كۇن ۋاقىتىمىز بار. ودان كەيىن سوتقا بارامىز، ەگەر بۇل ءىستىڭ ساياسي استارى بولسا، ءۇمىت از»، – دەيدى.
قۇقىق قورعاۋشى مۇنىڭ استارىندا ساياسي سەبەپ جاتىر دەپ ەسەپتەيدى. قاۋلى ازىرگە كۇشىنە ەنگەن جوق. ادام قۇقىقتارى مەن زاڭدىلىقتى ساقتاۋ جونىندەگى حالىقارالىق بيۋروسى بۇل شەشىمنىڭ ۇستىنەن كىرىس دەپارتامەنتى، اكىمشىلىك سوتقا، قاجەت بولسا اپەللياتسيالىق سوت پەن بۇۇ-نىڭ ادام قۇقىقتارى جونىندەگى كوميتەتىنە شاعىمدانباق.
حالىقارالىق قۇقىق قورعاۋ ۇيىمدارى قازاقستانداعى مەملەكەتتىك ورگانداردىڭ ارەكەتىن سىنعا الىپ، «رەپرەسسيۆتى شارالار» دەپ اتاعان. بۇعان دەيىن بىرنەشە ۇكىمەتتىك ەمەس ۇيىمداردى زاڭسىز تەكسەرۋ جۇمىستارى جۇرگىزىلگەن. 15 قاڭتاردا المالى اۋداندىق سالىق دەپارتامەنتى «ەحو» ۇيىمىنىڭ قزىمەتىن ءۇش ايعا توقتاتۋ جانە 200 ايلىق ەسەپتىك كورسەتكىش كولەمىندە ايىپپۇل سالۋ تۋرالى شەشىم شىعارعان. ال 19 قاڭتاردا استاناداعى ەسىل اۋداندىق كىرىس باسقارماسى «ەركىندىك قاناتى» ۇيىمىنا 277 مىڭ تەڭگە كولەمىندە ايىپپۇل سالۋ تۋرالى شەشىم شىعاردى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى