Qazaqstanda bir künde 1,4 mıñnan astam keys tirkeldi

Densaulıq saqtau ministrliginiñ mälimetinşe, ötken täulikte Qazaqstanda PTR testi oñ şıqqan 1 430 adam tirkelgen. Virus jwqtırğandardıñ jalpı sanı 173 842-ge jetti.

Pavlodar oblısında 235 jaña jağday, Astana – 231, Aqmola oblısı – 163, Almatı – 130, Qostanay oblısı – 125, Atırau oblısı – 111 boldı. Soltüstik Qazaqstan oblısında – 91, Almatı oblısında – 78, Qarağandı oblısında – 75, Batıs Qazaqstan oblısında-61, Şığıs Qazaqstan oblısında – 41, Jambıl oblısında – 19, Aqtöbe oblısında – 17, Mañğıstau oblısında – 16, Şımkentte – 14, Türkistan oblısında – 13, Qızılorda oblısında – 10 derek tirkeldi.

13 naurızdan beri COVID-19 infekciyasın jwqtırğandar qatarı 169 mıñnan, 1 tamızdan bergi koronavirus pnevmoniyası 46,5 mıñnan asqan. DDSW mälimetinşe, Qazaqstanda auırğandardıñ sanı 213 mıñğa jetse, al Wlttıq statistikada 216 mıñğa juıqtağan. Degenmen Ükimet koronavirus pen onıñ pnevmoniyasın eki bölek esepteydi.

Halıqaralıq wyım tuıstas derttiñ qaupi birdey ekenine basa nazar audarsa da Qazaqstannıñ Densaulıq saqtau ministrligi koronavirus pen onıñ pnevmoniyalıq türine eki türli közqaraspen qaraydı. Onıñ anıq däleli – KVI+ diagnozı boyınşa jaña anıqtalğan nauqastar men qaytqandar, ayığıp şıqqandardıñ aymaqtardağı körsetkişi kündelikti jariyalanadı, al KVI- deregi tek jiıntıq mände beriledi.

Koronavirus pnevmoniyasınıñ aymaqtarğa taraluı jönindegi esep ministr o basta aytqanday kündelikti ne aptasına emes, on künde bir ret, onıñ özinde vedomstvo saytına fayl formatında jüktelip keledi.

Sonımen qatar, Qazaqstan biligi 1 tamızdan beri pnevmoniyanıñ Covid-ke wqsas türine jeke kod berip, bölek tirkep keledi. Sodan beri 47 211 adam koronavirus pnevmoniyasına şaldıqqan. 549 adam qaytıs bolğan. 35 mıñğa juığı jazılğan.

"The Qazaq Times"