Jergilikti twrğındardıñ saylauğa qatısuda belsendiligi tömen. Almatı qalasındağı Qazaqfil'm ı/a ornalasqan №292 saylau uçaskesi. Foto: QT / Asan Anarbaywlı

12 qañtarda brifingte Ortalıq saylau komissiyası Mäjilis saylauınıñ qorıtındısın jariyaladı. Parlamenttiñ tömengi palatasına deputattıqqa boyı äbden üyrenisken eski qwram Nur Otan, «Aq jol» jäne Qazaqstannıñ halıq partiyası ötken. 

Resmi tüpkilikti qorıtındı:

  • Nur Otan  – 71,09 % (76 mandat)
  • «Aq jol» — 10,95 % (12 mandat)
  • Qazaqstannıñ halıq partiyası — 9,1 % (10 mandat)
  • «Auıl» partiyası —  5,29 %;
  • ADAL — 3,57 %.

Qazaqstanda parlamentten orın ielenu üşin partiyalar saylauda keminde mejeli 7 % dauıs aluı qajet.

«Saylau nauqanı ayaqtalğan soñ, OSK aumaqtıq saylau komissiyasınıñ  hattamalarına süyene otırıp, jalpı adam sanı 11 million 919 mıñ 241 saylauşınıñ 63,25%-ı, yağni  7 million 539 mıñ 280-i saylau ministrligine qatıstı. 297 mıñ 718 adamnıñ byulleten'i jaramsız bolğan», – dedi OSK törağasınıñ orınbasarı Konstantin Petrov seysenbidegi brifingte.

Ötken jeksenbide ötken mäjilis jäne mäslihattar saylauına EQIW men batıs baqılauşıları «şınayı bäsekesiz äri demokratiya talaptarına qayşı» degen bağa bergen. Bwl küni «Halıq ünine qwlaq asatın memlekette» (prezident Toqaevtıñ sayasi twjırımdaması – QT) täuelsiz bayqauşılardan bölek Konstituciya kepildik beretin BAQ ökilderine saylau uçaskesine kirgizbeu, negizsiz şığarıp jiberu faktileri orın aldı. Dauıs jäşigine byulleten'i toptap salu jağdayı siyaqtı ärtürli qwqıqbwzuşılıqtar orın aldı. Saylau qarsañında ondağan baqılauşı men qoğamdıq wyımdarğa birqatar qısım men kedergi jasaldı. Alayda Bas prokuratura mwnday zañsızdıqtarğa «bolmaşı kemşilikter» dep qaraydı.

"The Qazaq Times"