Жергілікті тұрғындардың сайлауға қатысуда белсенділігі төмен. Алматы қаласындағы Қазақфильм ы/а орналасқан №292 сайлау учаскесі. Фото: QT / Асан Анарбайұлы

12 қаңтарда брифингте Орталық сайлау комиссиясы Мәжіліс сайлауының қорытындысын жариялады. Парламенттің төменгі палатасына депутаттыққа бойы әбден үйреніскен ескі құрам Nur Otan, «Ақ жол» және Қазақстанның халық партиясы өткен. 

Ресми түпкілікті қорытынды:

  • Nur Otan  – 71,09 % (76 мандат)
  • «Ақ жол» — 10,95 % (12 мандат)
  • Қазақстанның халық партиясы — 9,1 % (10 мандат)
  • «Ауыл» партиясы —  5,29 %;
  • ADAL — 3,57 %.

Қазақстанда парламенттен орын иелену үшін партиялар сайлауда кемінде межелі 7 % дауыс алуы қажет.

«Сайлау науқаны аяқталған соң, ОСК аумақтық сайлау комиссиясының  хаттамаларына сүйене отырып, жалпы адам саны 11 миллион 919 мың 241 сайлаушының 63,25%-ы, яғни  7 миллион 539 мың 280-і сайлау министрлігіне қатысты. 297 мың 718 адамның бюллетеньі жарамсыз болған», – деді ОСК төрағасының орынбасары Константин Петров сейсенбідегі брифингте.

Өткен жексенбіде өткен мәжіліс және мәслихаттар сайлауына ЕҚЫҰ мен батыс бақылаушылары «шынайы бәсекесіз әрі демократия талаптарына қайшы» деген баға берген. Бұл күні «Халық үніне құлақ асатын мемлекетте» (президент Тоқаевтың саяси тұжырымдамасы – QT) тәуелсіз байқаушылардан бөлек Конституция кепілдік беретін БАҚ өкілдеріне сайлау учаскесіне кіргізбеу, негізсіз шығарып жіберу фактілері орын алды. Дауыс жәшігіне бюллетеньі топтап салу жағдайы сияқты әртүрлі құқықбұзушылықтар орын алды. Сайлау қарсаңында ондаған бақылаушы мен қоғамдық ұйымдарға бірқатар қысым мен кедергі жасалды. Алайда Бас прокуратура мұндай заңсыздықтарға «болмашы кемшіліктер» деп қарайды.

"The Qazaq Times"