12 قاڭتاردا بريفينگتە ورتالىق سايلاۋ كوميسسياسى ءماجىلىس سايلاۋىنىڭ قورىتىندىسىن جاريالادى. پارلامەنتتىڭ تومەنگى پالاتاسىنا دەپۋتاتتىققا بويى ابدەن ۇيرەنىسكەن ەسكى قۇرام Nur Otan, «اق جول» جانە قازاقستاننىڭ حالىق پارتياسى وتكەن.
رەسمي تۇپكىلىكتى قورىتىندى:
- Nur Otan – 71,09 % (76 ماندات)
- «اق جول» — 10,95 % (12 ماندات)
- قازاقستاننىڭ حالىق پارتياسى — 9,1 % (10 ماندات)
- «اۋىل» پارتياسى — 5,29 %;
- ADAL — 3,57 %.
قازاقستاندا پارلامەنتتەن ورىن يەلەنۋ ءۇشىن پارتيالار سايلاۋدا كەمىندە مەجەلى 7 % داۋىس الۋى قاجەت.
«سايلاۋ ناۋقانى اياقتالعان سوڭ، وسك اۋماقتىق سايلاۋ كوميسسياسىنىڭ حاتتامالارىنا سۇيەنە وتىرىپ، جالپى ادام سانى 11 ميلليون 919 مىڭ 241 سايلاۋشىنىڭ 63,25%-ى، ياعني 7 ميلليون 539 مىڭ 280-ءى سايلاۋ مينيسترلىگىنە قاتىستى. 297 مىڭ 718 ادامنىڭ بيۋللەتەنى جارامسىز بولعان»، – دەدى وسك توراعاسىنىڭ ورىنباسارى كونستانتين پەتروۆ سەيسەنبىدەگى بريفينگتە.
وتكەن جەكسەنبىدە وتكەن ءماجىلىس جانە ءماسليحاتتار سايلاۋىنا ەقىۇ مەن باتىس باقىلاۋشىلارى «شىنايى باسەكەسىز ءارى دەموكراتيا تالاپتارىنا قايشى» دەگەن باعا بەرگەن. بۇل كۇنى «حالىق ۇنىنە قۇلاق اساتىن مەملەكەتتە» (پرەزيدەنت توقاەۆتىڭ ساياسي تۇجىرىمداماسى – QT) تاۋەلسىز بايقاۋشىلاردان بولەك كونستيتۋتسيا كەپىلدىك بەرەتىن باق وكىلدەرىنە سايلاۋ ۋچاسكەسىنە كىرگىزبەۋ، نەگىزسىز شىعارىپ جىبەرۋ فاكتىلەرى ورىن الدى. داۋىس جاشىگىنە بيۋللەتەنى توپتاپ سالۋ جاعدايى سياقتى ءارتۇرلى قۇقىقبۇزۋشىلىقتار ورىن الدى. سايلاۋ قارساڭىندا ونداعان باقىلاۋشى مەن قوعامدىق ۇيىمدارعا بىرقاتار قىسىم مەن كەدەرگى جاسالدى. الايدا باس پروكۋراتۋرا مۇنداي زاڭسىزدىقتارعا «بولماشى كەمشىلىكتەر» دەپ قارايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟