Saylau-2021: Almatıda dauıs beru belsendiligi öte tömen

Qazaqstanda 16:00 şamasında saylauşılardıñ 52,5%-ı dauıs bergen. Eñ tömen belsendilik Almatı qalasında tirkeldi – barlığı 25,3%.

Ortalıq saylau komissiyasınıñ hatşısı Sabila Mwstafina mälimetinşe, astanada saylauşılardıñ 41,1%, Şımkentte – 49,2%, al Almatı qalası boyınşa bar bolğanı 25,3%-ı dauıs bergen.

«OSK-ğa oblıstıq, respublikalıq mañızı bar qalalardıñ, astananıñ aumaqtıq saylau komissiyaları wsınğan derekterge säykes, 2021 jılğı 10 qañtar sağat 16:00-degi jağday boyınşa saylauşılardıñ jalpı sanınıñ 52,5%-ı dauıs berdi», – dep atap ötti Mwstafina.

Öñirler boyınşa Aqmola oblısında – 56,9%, Aqtöbe oblısında – 45,6%, Almatı oblısında – 58%, Atırau oblısında-45,6%, Şığıs Qazaqstan oblısında – 62%, Jambıl oblısında – 63,4%, Batıs Qazaqstan oblısında-53,5%, Qarağandı oblısında – 58,8%, Qostanay oblısında – 62,4%, Qızılorda oblısında – 60,9%, Mañğıstau oblısında – 43,3%, Pavlodar oblısında – 57,8%, Soltüstik Qazaqstan oblısında – 62,4% jäne Türkistan oblısı – 53,6%.

10 qañtar – Qazaqstanda parlament mäjilisi men jergilikti mäslihat saylauı ötip jatır. Saylauğa «Nur Otan», «Aqjol», «Adal», «Auıl» jäne «Qazaqstan halıq partiyası» qatısadı. OSK mälimetinşe, bes partiya mäjilis saylauına – 312 kandidat (90 äyel, 222 er adam), mäslihatqa 832 kandidat wsınğan. Saylau OSK wyımdastıruımen 232 aymaqtıq saylau komissiya ökildik etetin 10 mıñnan astam saylau uçaskesinde ötedi.

Sayasi dodağa qatısıp jatqan bes partiya mäjilis saylauına barlığı 312 kandidat wsınğan. Kandidattardıñ basım böligi biliktegi «Nwr-Otan» partiyası men qazirgi parlamentte otırğan «Qazaqstan halıq partiyasınıñ» ökilderi.

Saylauğa tüsip jatqan sayasi wyımdardıñ arasında oppoziciyalıq partiya joq.

"The Qazaq Times"