سايلاۋ-2021: الماتىدا داۋىس بەرۋ بەلسەندىلىگى وتە تومەن

قازاقستاندا 16:00 شاماسىندا سايلاۋشىلاردىڭ 52,5%-ى داۋىس بەرگەن. ەڭ تءومەن بەلسەندىلىك الماتى قالاسىندا تىركەلدى – بارلىعى 25,3%.

ورتالىق سايلاۋ كوميسسياسىنىڭ حاتشىسى سابيلا مۇستافينا مالىمەتىنشە، استانادا سايلاۋشىلاردىڭ 41,1%، شىمكەنتتە – 49,2%، ال الماتى قالاسى بويىنشا بار بولعانى 25,3%-ى داۋىس بەرگەن.

«وسك-عا وبلىستىق، رەسپۋبليكالىق ماڭىزى بار قالالاردىڭ، استانانىڭ اۋماقتىق سايلاۋ كوميسسيالارى ۇسىنعان دەرەكتەرگە سايكەس، 2021 جىلعى 10 قاڭتار ساعات 16:00-دەگى جاعداي بويىنشا سايلاۋشىلاردىڭ جالپى سانىنىڭ 52,5%-ى داۋىس بەردى»، – دەپ اتاپ ءوتتى مۇستافينا.

وڭىرلەر بويىنشا اقمولا وبلىسىندا – 56,9%، اقتوبە وبلىسىندا – 45,6%، الماتى وبلىسىندا – 58%، اتىراۋ وبلىسىندا-45,6%، شىعىس قازاقستان وبلىسىندا – 62%، جامبىل وبلىسىندا – 63,4%، باتىس قازاقستان وبلىسىندا-53,5%، قاراعاندى وبلىسىندا – 58,8%، قوستاناي وبلىسىندا – 62,4%، قىزىلوردا وبلىسىندا – 60,9%، ماڭعىستاۋ وبلىسىندا – 43,3%، پاۆلودار وبلىسىندا – 57,8%، سولتۇستىك قازاقستان وبلىسىندا – 62,4% جانە تۇركىستان وبلىسى – 53,6%.

10 قاڭتار – قازاقستاندا پارلامەنت ءماجىلىسى مەن جەرگىلىكتى ءماسليحات سايلاۋى ءوتىپ جاتىر. سايلاۋعا «Nur Otan»، «اقجول»، «ادال»، «اۋىل» جانە «قازاقستان حالىق پارتياسى» قاتىسادى. وسك مالىمەتىنشە، بەس پارتيا ءماجىلىس سايلاۋىنا – 312 كانديدات (90 ايەل، 222 ەر ادام), ماسليحاتقا 832 كانديدات ۇسىنعان. سايلاۋ وسك ۇيىمداستىرۋىمەن 232 ايماقتىق سايلاۋ كوميسسيا وكىلدىك ەتەتىن 10 مىڭنان استام سايلاۋ ۋچاسكەسىندە وتەدى.

ساياسي دوداعا قاتىسىپ جاتقان بەس پارتيا ءماجىلىس سايلاۋىنا بارلىعى 312 كانديدات ۇسىنعان. كانديداتتاردىڭ باسىم بولىگى بيلىكتەگى «نۇر-وتان» پارتياسى مەن قازىرگى پارلامەنتتە وتىرعان «قازاقستان حالىق پارتياسىنىڭ» وكىلدەرى.

سايلاۋعا ءتۇسىپ جاتقان ساياسي ۇيىمداردىڭ اراسىندا وپپوزيتسيالىق پارتيا جوق.

"The Qazaq Times"