Körneki suret. Foto: aşıq derekköz

Qazaqstanda 5 qañtarda koronavirus jwqqan 742 adam, 4 qañtarda koronavirus pnevmoniyasına şaldıqqan 29 adam anıqtalğan. Densaulıq saqtau ministrligi statsitikadağı bastı qatesin moyındap tüzetti. Qazir elde 22,5 mıñnan astam adam (U07.1 nemese KVI+ boyınşa 10 722, U07.2 nemese KVI- boyınşa 12 109) auırıp jatır.

#U07.1 Koronavirus PTR testi arqılı tabılğan jaña keysterdiñ eñ köbi – astana (114), Atırau oblısı (101), Almatı qalası (94), Aqmola (58), Qostanay (56), SQO jäne Pavlodar oblısı (ärqaysı 55-ten). Ötken täulikte 785 adam auruınan ayğıp şığıp üyine jiberilgen, sonday-aq 4 adam ömirden ötken.

#U07.2  Aldıñğı küni, yağni qañtardıñ 4-i koronavirus pnevmoniyasına jatatın 29 nauqas tirkelgen. Oğan qosa, merekelik demalıs küni 100 adam emdelip şıqqan.

#Jalpı  DenMin-niñ resmi mälimetinşe, emdelip jatqan 22 791 nauqastıñ 5212-si auruhanada, 17 579-ı ambulatorlıq baqılauda. Bwl jwqpalı aurularğa şaldıqqandarğa arnalğan tösek-orınnıñ 30%-ğa juığına nauqastar ornalastırğanın körsetedi. Ahualı naşar 299 nauqastıñ arasında 45 adamnıñ jağdayı qattı qiındağan. Jäne 44 sırqat ökpeni jasandı jeldetu apparatımen tınıstap jatır.

Ministrlik ötken ayda resmi habarlamanıñ formasın jañarttı. Onda auırıp jatqan balalar turalı aqparat alınıp tastalğan.

Aqparat ministrliginiñ coronavirus2020.kz saytı men Densaulıq saqtau ministrliginiñ aqparat resurstarında jariyalanğan derekter birneşe aydan beri qate berilip kelgeni jaylı materialdar jariyalap, aqparat qwraldarına eskertkenbiz. 26 jeltoqsannan bastap ministrlik moyındap, statistikanıñ merzimin körsetip jariyalauğa köşti.

Pandemiya moderatorı – ministrlik tek senbi-jeksenbide ğana emes, mereke künderi de statistikanı tolıqtay jürgizuge qauqarsız. Mäselen, jeltoqsan ayınıñ 1, 16, 17, 18-i jän 19-ına, 1-4 qañtarğa tiesili derekter eselep kemigen. Küzdiñ ortasında sol kezdegi DenMin-niñ resmi-erikti ökili Bağdat Qojahmetov ekinşi tolqında demalıs künine qaramastan statistikanı tolıq kölemde jürgizuge uäde bergen edi. Biraq is jüzinde olay bolmay şıqtı. 

The Qazaq Times redakciyası tömendegi kesteni eñ şınayı nwsqa dep sanaydı.

9 jeltoqsan densaulıq saqtau vice-ministri, bas memlekettik sanitar-därigeri Erlan Qiyasov Qazaqstanda koronavirus infekciyasın jwqtırudıñ şarıqtau kezeñi turalı jaña boljamın bölisken. Onıñ aytuınşa, ekinşi tolqınnıñ şarıqtau kezeñi 2021 jıldıñ qañtar jäne aqpan aylarına säykes keledi.

13 naurızdan beri COVID-19 infekciyasın jwqtırğandar qatarı 159 mıñnan, 1 tamızdan bergi koronavirus pnevmoniyası 46 mıñnan asqan. DDSW mälimetinşe, Qazaqstanda auırğandardıñ sanı 204 mıñnan assa, al Wlttıq statistikada 205 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi. Halıqaralıq wyım tuıstas derttiñ qaupi birdey ekenine basa nazar audarsa da Qazaqstannıñ Densaulıq saqtau ministrligi koronavirus pen onıñ pnevmoniyalıq türine eki türli közqaraspen qaraydı. Onıñ anıq däleli – KVI+ diagnozı boyınşa jaña anıqtalğan nauqastar men qaytqandar, ayığıp şıqqandardıñ aymaqtardağı körsetkişi kündelikti jariyalanadı, al KVI- deregi tek jiıntıq mände beriledi. Koronavirus pnevmoniyasınıñ aymaqtarğa taraluı jönindegi esep ministr o basta aytqanday kündelikti ne aptasına emes, on künde bir ret, onıñ özinde vedomstvo saytına fayl formatında jüktelip keledi.

Pandemiya bastalğalı jalpı virus jwqqandardıñ 3672-si (KVI+ / U07.1 – 2343, KVI- / U07.2 – 513, ilespe aurulardan – 816) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 816 adamdı jalpı statistikağa qosıp eseptemeydi. Bwğan qarsı keybir sarapşılardıñ pikirine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Äzirge virus taralu qateri jağınan Atırau oblısı – qızıl, astana men Almatı qalası, SQO, Aqmola, Qostanay, Pavlodar öñirleri – sarı aymaqta twr.

Qoğamda bıltırğı 256 mıñ pnevmoniya jağdayın esepke qospay, jalpı statistikanı «mausım-şilde qırğınan» keyin jürgize bastağan Ükimettiñ esebine kümänmen qaraytındar köbeygen.

Qazaqstan virus taraluı boyınşa älemde Worldometers derekqorı jäne DDSW tiziminde 49-şı orında twr.

"The Qazaq Times"